Estoniyanın Tallin şəhərində keçirilən gənclər arasında cüdo üzrə Avropa çempionatına komandamız uğurla start verib.
Oğlanların yarışında Nizami İmranov (60 kq) bütün rəqiblərini məğlub edərək finala yüksəlib. Həlledici mərhələdə ukraynalı rəqibi Nazar Viskova uduzaraq gümüş medalla kifayətlənib.
Qızlar arasında isə təmsilçimiz Könül Əliyeva (48 kq) finala qədər bütün görüşlərini qələbə ilə başa çatdırıb. Baş mükafat uğrunda Türkiyə təmsilçisi Zilan Ertemə də gücünü göstərən istedadlı tatami ustası çempion adına layiq görülüb.
Qadın yığmamızın digər üzvü Fidan Əlizadə də (57 kq) uğurla finala qədər irəliləyib. O, qızıl medal uğrunda gürcüstanlı Nino Loladze ilə mübarizə aparıb. İdmançımız rəqibə qalib gələrək qızıl medal qazanıb.
L.AZAD
XQ