İsveçin UR telekanalı ABŞ və Böyük Britaniyanın birgə istehsalı olan “Tərk edilmiş binalar” adlı sənədli filmlər seriyasını yayımlayır.

Film bir vaxtlar regionun müasir və mütərəqqi mədəniyyət mərkəzi olan, son­radan “barıt çəlləyinə” çevrilərək tez bir zamanda kabus şəhərə bənzəyən Ağdam haqqındadır. Filmin 8-ci mövsümünün “Dron müharibəsi” adlı 2-ci bölümü ermə­nilər tərəfindən dağıdılmış və yeganə tiki­lisi qalmış, kabusu xatırladan şəhərə həsr olunub.

Serialın bu bölümündə kimya mühən­disi Ceyqa Vays, müəllif və tarixçi Domi­nik Selvud, jurnalist Cim Meyds 1870-ci ildə tikilən, bir neçə silahlı münaqişədən salamat çıxan və erməni əsgərlərinin ar­tilleriya atəşini istiqamətləndirmək üçün gözətçi qülləsi kimi istifadə edilən məsci­din hekayəsi yer alıb. Evlərini tərk etmək məcburiyyətində qalan, bir çoxu həlak olan ağdamlıların qanlı taleyi yada salınır.

Filmdə 44 günlük müharibə nəticə­sində işğaldan azad edilmiş Ağdama ilk gələnlərdən biri olan və maşınına mərmi atılandan sonra möcüzə nəticəsində sağ qa­lan hərbi müxbir Emin İbrahimov 1992-ci ildə atəşə tutulan və yalnız 3 divarı qalan Çörək muzeyindən bəhs edir.

Serialın sonunda 2021-ci ilin mayın­da baş planı təsdiqlənən, 100 min sakinin yaşayacağı və Azərbaycan futbol liqasında çıxış edən “Qarabağ” komandasının oyna­yacağı şəhərin dirçəldilməsi barədə danışı­lır.

XQ