“Zirə” – “Qarabağ” oyununun 29-cu dəqiqəsində “Zirə”nin azarkeşləri tərəfindən rəqib komandanın ünvanına kütləvi şəkildə təhqiramiz ifadələr səsləndirildiyinə görə “Zirə”yə xəbərdarlıq edilib.
Bu hal cari mövsümdə ilk dəfə yaşandığına görə AFFA hələlik xəbərdarlıqla kifayətlənib. Bu barədə İntizam Komitəsinin növbəti iclasında qərar qəbul olunub.
“Sumqayıt” – “Araz Naxçıvan” oyununda “Araz-Naxçıvan”ın 5 futbolçusu sarı vərəqə aldığına görə klub 700 manat cərimə edilib. “Şamaxı” isə 800 manat cərimələnib. Belə ki, “Şamaxı” – “Neftçi” oyunu bitdikdən sonra meydançaya kənar şəxs daxil olub. “Kəpəz” də 800 manat ziyana düşüb. Buna səbəb V turun “Sabah”la matçı bitdikdən sonra meydana kənar şəxsin daxil olmasıdır.
L.AZAD
XQ
.jpg)
