Henan əyalətindəki Loxe Vəhşi Təbiət Zooparkı qeyri-adi bir vakansiya elan edib - müəssisə illik təxminən 15 min dollar (100 min yuan) maaşla qara ayı kostyumlarında çalışacaq aktyorlar axtarır. Bu elan sosial şəbəkələrdə sürətlə yayılaraq qısa müddətdə yüzə yaxın namizədin diqqətini cəlb edib.

Əsas tələb insan xarakterli danışığın tamamilə qadağan olunmasıdır: ifaçılara yalnız ayı kimi nırıldamağa icazə verilir. İş günü altı saat davam edir və ayda dörd istirahət günü nəzərdə tutulur. Namizədlərdən fiziki dözümlülük, yetkinlik yaşına çatmaq və qonaqların təklif etdiyi hər növ təamı qəbul etməyə hazır olmaq tələb olunur. "Sizə necə rahatdırsa, elə də edin", - deyə uzanmaq, xəyal qurmaq, tullanmaq və ya ağaclara dırmaşmaq azadlığı vəd edən reklam mətnində qeyd olunub.

Zoopark rəsmiləri bu layihənin hələ tikinti mərhələsində planlaşdırıldığını bildiriblər: kostyumlu aktyorlar ziyarətçilərin yırtıcılarla birbaşa təmas riskini aradan qaldırır və interaktiv təəssüratları gücləndirir. Əgər bu eksperiment uğurlu olarsa, gələcəkdə "pələng" və "şir" vakansiyaları da açılacaq. Yaxşı fiziki formaya malik, 30 yaşlarında olan namizədləri canlı müsahibə gözləyir. Xüsusilə populyarlıq qazanan artist isə öz onlayn profilini inkişaf etdirərək baza dərəcəsindən əhəmiyyətli dərəcədə daha çox qazana biləcək.

S.ELAY

XQ