Bu il Cəlilabad rayonunun fermerləri sahələrdə bol məhsul yetişdirməyə nail olublar. Belə ki, rayon ərazisində 606 hektar sahədə çiyələk əkilib ki, bu da fermerlərin ümidlərini doğruldub.
Mövsümün əvvəlindən etibarən sahələrdən 15 min 850 tondan çox məhsul yığılıb ki, bu da əvvəlki ilin eyni dövrü ilə müqayisədə xeyli çoxdur. Bu il rayonda hektarın orta məhsuldarlığı 26,16 ton təşkil edib. Ötən ilin müvafiq dövründə isə bu rəqəm 25,41 ton olub. Hazırda təsərrüfatlarda çiyələk yığımı davam edir
Yeri gəlmişkən, bu il Cəlilabad çiyələyinin ilk dəfə ərəb ölkələrinə də ixracına başlanılıb. Ümumilikdə isə, yığılan məhsulun 11 min 945,5 tonu Rusiya, Belarus və ərəb ölkələrinə ixrac olunub.
