Biznes mərkəzində təlim

Naxçıvan Biznes Mərkəzində Naxçıvan Muxtar Respublikasında Azərbaycan Respublikası Preziden­tinin səlahiyyətli nümayəndəliyinin dəstəyi, Azərbaycan Respublikası İqtisadiyyat Nazirliyi yanında Anti­inhisar və İstehlak Bazarına Nəzarət Dövlət Xidməti və Naxçıvan Muxtar Respublikası İqtisadiyyat Nazirli­yinin birgə təşkilatçılığı ilə “Dövlət satınalmaları haqqında” Azərbaycan Respublikasının yeni Qanununun tətbiqi ilə bağlı təlim-konfrans keçi­rilib.

Toplantıda Naxçıvan Muxtar Res­publikasında Azərbaycan Respublikası Prezidentinin səlahiyyətli nümayəndəsi Fuad Nəcəfli çıxış edərək 2023-cü ili muxtar respublika üçün əlamətdar və uğurlu il kimi dəyərləndirib. Bildirib ki, ötən il ümummilli lider Heydər Əliyevin anadan olmasının 100 illiyi geniş qeyd edilib, Naxçıvan Muxtar Respublikası­nın sosial-iqtisadi inkişafını təmin edən Dövlət Proqramı təsdiq olunub. Ötən il Azərbaycan Respublikasının iqtisadiy­yat naziri Mikayıl Cabbarovun iştirakı ilə Naxçıvanda fəaliyyət göstərən sa­hibkarlarla görüş keçirilib, onların prob­lemlərinin həlli, şəffaf biznes mühitinin formalaşması istiqamətində mühüm addımlar atılıb.

Səlahiyyətli nümayəndə qeyd edib ki, ötən dövrdə “Naxçıvan Muxtar Res­publikasının sosial-iqtisadi inkişafına dair 2023-2027-ci illər üçün Dövlət Proqramı”nın Təfsilatlı Tədbirlər Planı hazırlanaraq icrası üçün maliyyə vəsa­iti ayrılıb. Bu cür layihələrin icrasında dövlət satınalmaları üzrə proseslərin səmərəli təşkili mühüm önəm daşıyır. Bu istiqamətdə Azərbaycan Respubli­kası İqtisadiyyat Nazirliyinin dəstəyini xüsusilə vurğulayan səlahiyyətli nü­mayəndə nəzərdə tutulan tədbirlərin ic­rası istiqamətində birgə mühüm işlərin görüldüyünü diqqətə çatdırıb.

Fuad Nəcəfli vurğulayıb ki, mux­tar respublikada bir sıra qurumlarda komplektləşdirmələr tam yekunlaşdırıl­mayıb. Əvvəlki idarəetmə sistemi üzrə ortaya çıxan nöqsanlar icra məsələlə­rində müəyyən problemlərə səbəb olur. Xüsusilə dövlət satınalmaları sahəsin­də ciddi nöqsanlar aşkar olunub. Döv­lət satınalmaları sahəsində yeni qanu­nun tətbiqi bu istiqamətdə ortaya çıxan problemlərin həllində, şəffaflıq prinsipi­nin təmin olunmasında və sözügedən sosial-iqtisadi inkişaf proqramının icra­sında çox faydalıdır. Fuad Nəcəfli təd­birin təşkilinə və səmərəli əməkdaşlığa görə Azərbaycan Respublikasının iq­tisadiyyat naziri Mikayıl Cabbarova və nazirliyin kollektivinə təşəkkür edib, tə­lim-konfransın işinə uğurlar arzulayıb.

Təlimdə Naxçıvan Muxtar Respub­likası iqtisadiyyat nazirinin müavini, nazir vəzifəsini müvəqqəti icra edən Abbas İsmayılov ötən il ərzində dövlət satınalmaları sahəsində görülən işlər və həyata keçiriləcək tədbirlər barədə məlumat verib. Bildirilib ki, dövlət satı­nalmaları sahəsində nəzarət tədbirləri­nin nəticəsi kimi 9,5 milyon manat və ya 16 faiz dövlət vəsaitinə qənaət edilib. 

Satınalma prosedurlarının nəticələ­rinə dair satınalan təşkilatlardan daxil olan 534 yekun protokolun 8,8 faizin­də nöqsanlar aşkar edilib və bununla əlaqədar həmin satınalmaların nəti­cələri ləğv edilib. 2023-cü ildə muxtar respublikada keçirilən satınalmaların toplam dəyəri 59,2 milyon manat olub ki, bu da ötənilki büdcə xərclərinin 10 faizindən çoxunu təşkil edib.

Vurğulanıb ki, 2023-cü ildə Azər­baycan Respublikası İqtisadiyyat Na­zirliyi yanında Antiinhisar və İstehlak Bazarına Nəzarət Dövlət Xidməti tərə­findən muxtar respublikada dövlət sa­tınalmalarında iştirak edən tərəflərin maarifləndirilməsi və məlumatlandırıl­ması məqsədilə iki təlim keçirilib, 250-yə yaxın dövlət müəssisə və təşkilatı iştirak edib.

Sonra Naxçıvan Muxtar Respubli­kası Antiinhisar və İstehlak Bazarına Nəzarət Dövlət Xidmətinin rəis müavi­ni, rəis vəzifələrinin müvəqqəti icraçısı təyin edilən Seymur Cəfərov kollektivə və dövlət orqanlarının rəhbərlərinə təq­dim olunub.

Azərbaycan Respublikası İqtisa­diyyat Nazirliyi yanında Antiinhisar və İstehak Bazarına Nəzarət Dövlət Xidmətinin rəisi Məmməd Abbasbəyli dövlət satınalmalarının rəqabət mühiti­nin formalaşmasına təsirlərindən bəhs edib, həmçinin “Dövlət satınalmaları haqqında” Azərbaycan Respublikası­nın yeni Qanununda satınalma prose­durlarının təkmilləşdirilməsi və nəzarət mexanizmlərinin gücləndirilməsinin sahibkarları satınalmalarda daha aktiv iştiraka təşviq edəcəyini qeyd edib.

Məmməd Abbasbəyli bildirib ki, is­tehlakçıların hüquq və mənafelərinin qorunması əsas məqsəddir, bu məqsədi hədəf alan yeni qanun rəqabət əsaslı dayanıqlı iqtisadi inkişafı təmin edəcək. Yeni mexanizmlə tənzimlənən dövlət satınalmaları prosesinə uyğun olaraq 20-yə yaxın qayda müəyyənləşdirilib və Azərbaycan Respublikası Nazirlər Kabinetinin müvafiq qərarları ilə təsdiq edilib. Nəticədə, bütün dövlət satınalma­ları prosesi elektronlaşaraq sahibkarlar üçün əlçatanlıq, eləcə də şəffaflıq və op­timallaşma prinsipləri əsasında qurulub.

Təlim-konfransda yeni qanunun əhatə dairəsinin genişlənməsi, üstün­lükləri və nəzarət mexanizmləri barədə məlumat verilib, dövlət satınalmalarının vaxtında və düzgün planlaşdırılmasına dair müzakirələr aparılıb, iştirakçıların sualları cavablandırılıb.

Qazilər istirahətə göndərilib

Bugünlərdə Naxçıvan Muxtar Respublikası Həmkarlar İttifaqları Şurasının maliyyə dəstəyi ilə 40 nəfər qazinin Ağbulaq İstirahət Mərkəzin­də istirahətləri təşkil olunub.

Mərkəzdə “Naxçıvan Qaziləri” İc­timai Birliyinin üzvləri ilə çay süfrəsi arxasında görüş keçirilib. Söhbət za­manı Azərbaycan Həmkarlar İttifaqları Konfederasiyasının sədr müavini, Nax­çıvan Muxtar Respublikası Həmkar­lar İttifaqları Şurasının sədri Qəzənfər Abdullayev bildirib ki, Naxçıvan Muxtar Respublikası Həmkarlar İttifaqları Şu­rası Vətən müharibəsi iştirakçıları və qaziləri daim diqqətdə saxlayır. Onların problemlərinin həlli istiqamətində mü­vafiq addımlar atır.

Vurğulanıb ki, ötən dövr ərzində Şura tərəfindən 32 nəfər qazinin mü­raciəti dinlənilib və ümumilikdə 5 min manatdan artıq maddi yardım göstəri­lib. 1 nəfər qazinin isə Şərur rayon Bir­ləşmiş Həmkarlar İttifaqı Komitəsində məşğulluğu təmin edilib.

Diqqətə çatdırılıb ki, yaxın günlərdə qazilərin bir qrupu da Ağbulaq İstirahət Mərkəzində olacaqlar. Şurada 101 qazinin bu imkandan istifadə etməyi nəzərdə tutulub. AHİK sədrinin müavi­ni bu cür layihələrin bundan sonra da uğurla həyata keçiriləcəyini bildirib. 

Sonra “Naxçıvan Qaziləri” İctimai Birliyinin sədri Ceyhun Bayramov çıxış edərək qazilərə diqqət və qayğıya görə minnətdarlıq edib. Digər çıxış edənlər də qazilərə göstərilən maddi və mənəvi dəstəkdən razılıqlarını ifadə ediblər.

Çay süfrəsi arxasında səmimi şə­raitdə keçən görüşdə qazilərin müra­ciətləri dinlənilib və həlli üçün müvafiq tapşırıqlar verilib. Sonda Şahbuz rayon Kolanı kənd Uşaq Musiqi Məktəbinin Musiqi kollektivi konsert proqramı ilə çıxış edib.

Türkiyəli investorlar muxtar diyarda

Kənd Təsərrüfatı Nazirliyində tür­kiyəli investorlarla keçirilən görüşdə Naxçıvan Muxtar Respublikasında aparılan aqrar islahatlardan bəhs olunub, birgə fəaliyyətin potensial imkanları haqqında fikir mübadiləsi aparılıb. Muxtar respublikada bara­maçılığın və ipəkçiliyin inkişaf etdi­rilməsi də müzakirə mövzusu olub. 

Görüşdə qeyd edilib ki, “Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı”nda da bu sahənin inkişaf etdirilməsi əsas hədəf kimi qar­şıya qoyulub. Proqramın icrasını təmin etmək məqsədilə ötən il muxtar respub­likada 40 minə yaxın tut tingi əkilib.

Tədbirdə müasir dövrün tələblərinə uyğun suvarma sistemlərinin qurulma­sı, gübrə təminatı məsələlərindən də ətraflı bəhs edilib, videomaterial izləni­lib, bu formatda görüşlərin davam edə­cəyi bildirilib.

İlin ilk ağacəkmə aksiyası

Naxçıvan Muxtar Respublikasın­da ilin ilk ağacəkmə aksiyası keçi­rilib. Bu məqsədlə dünən Naxçıvan şəhəri yaxınlığındakı Uzunoba su anbarının yuxarı hissəsində 4,3 hek­tar sahədə tinglər basdırılıb.

2100 ədəd ağaçın əkildiyi aksiyada muxtar respublikanın dövlət-özəl təşki­latların nümayəndələri və 40-dan çox ekokönüllü iştirak edib. 

Qeyd edək ki, “Yaşıl dünya naminə həmrəylik ili” ilə əlaqədar keçirilən ağacəkmə aksiyasının məqsədi ictima­iyyətin diqqətini ətraf mühitin sağlam­laşdırılmasına, yaşıllıqların bərpasına və artırılmasına yönəltmək, vətəndaş­ları ağac əkməyə təşviq etməklə tə­biətə töhfə verməkdir. 

Səbuhi HƏSƏNOV,
“Xalq qəzeti”nin bölgə müxbiri