ABŞ-ın dünyaca nüfuzlu “Vaşınqton Post” nəşri dünənki sayında 1945-ci ilin sentyabrında nüvə silahının istifadəsinin yapon xalqına böyük fəlakətlərə gətirdiyi və bəşəriyyət üçün taleyüklü məsələ olduğu barədə maraqlı məqalə dərc edib. Əməkdaşımızın tərcümə etdiyi həmin yazını qəzetimizin oxucularına təqdim edirik. 

“Yaponiyanın Xirosima şəhərindəki Sülh Memorial Parkında memorial günbəz qarşısında nüvə silahlarına etiraz edən buddist rahib deyib ki, bu silahdan heç vaxt istifadə etməyək. Çünki qarşıdakı əsrlərdəki nəsillə­rimizi də məhv edə bilərik. 

Həmin buddist 1945-ci il avqustun 6-da Yaponiya­nın Xirosima və Naqasaki şəhərlərinə ABŞ təyyarəsi tərəfindən atılan atom bom­basını xatırladıb və deyib ki, həmin şəhərlər dərhal yer­lə-yeksan oldular.

Bu partlayış möcüzəvi şəkildə atom silahlarının qəzəblə istifadə edildiyi ye­ganə hal olaraq qalır. Dünya üçün fəlakət olacaq nüvə müharibəsini “qiyamət saa­tı” hesab edən Atom Alimlə­rinin Bülletenində xatırlanıb ki, 1945-ci ildə, yəni, 78 il əvvəl ABŞ Silahlı Qüvvələ­rinin Xirosima və Naqasaki şəhərlərinə atdıqları atom bombalarının dəhşətli part­layışları nəticəsində 210 minə yaxın yapon mülki vətəndaşı həlak olub. On­ların çoxu uşaq, qadın və ahıllar olub. 

İkinci Dünya müharibə­sindən sonra atom bom­basının dağıdıcı gücündən narahat olan mütəxəssislər tərəfindən Atom Alimləri Federasiyası yaradılıb. Fe­derasiyasının məlumatına görə, hazırda planetimiz­dəki doqquz nüvə ölkəsinin ehtiyatında təxminən 12 min 500 nüvə başlığı var. Bu si­lahların çoxu 1945-ci ildə Yaponiyaya qarşı istifadə edilən adi nüvə silahların­dan min dəfələrlə güclüdür.

Mütəxəssislərin fikrincə, Rusiya Prezidenti Vladimir Putinin Ukraynanı zəbt et­mək üçün qanlı savaşda “taktiki” nüvə silahından istifadə etməklə hədələmə­si, eləcə də Çin və Şimali Koreyanın uzaq məsafələri hədəfə alan nüvə başlıqları daşıyan raketlər hazırlama­sı ciddi fəlakətlərə səbəb ola bilər.

“Soyuq müharibə”nin bit­məsindən üç onillik keçmə­sinə baxmayaraq, bu gün də heç bir lider nüvə silahın­dan istifadəyə cəsarət etmir, çünki onun ölkəsi buna ca­vab olaraq, daha dağıdıcı nüvə zərbəsi alacaq”. 

Məqalənin sonunda de­yilir ki, nüvə gücləri bir-biri ilə birbaşa silahlı münaqişə­dən qaçmaq üçün çox səy göstərirlər. Narahatedici amil isə budur ki, adi mü­haribələrin nüvə mühari­bələrinə çevrilmək ehtimalı böyükdür. 

Məqalə bu sözlərlə bitir: “Unutmayaq ki, nüvə silahı bəşəriyyət üçün bəladır!”

Tərcümə etdi:
Əliqismət BƏDƏLOV, “Xalq qəzeti”