G7 ölkələrinin liderləri Yaponiyanın Xirosima şəhərində keçirilən iclasda Ukraynadakı vəziyyətlə bağlı bəyanat qəbul ediblər. BBC xəbər verir ki, sənəddə Ukraynaya iqtisadi yardım göstərilməsi öz əksini tapıb.

Bildirilib ki, 2023-cü il və 2024-cü ilin əvvəli üçün büdcə dəstəyi artıq qə­bul olunub. Liderlər “Taxıl sazişi”nin ge­nişləndirilməsi və uzadılmasını dəstək­ləyir.

G7 Rusiyanı məğlub etmək üçün Ukraynaya hərbi, maliyyə, humanitar və diplomatik dəstək verəcək. Bundan başqa, G7 Rusiyanın enerji ixracından əldə etdiyi gəlirləri azaltmaq üçün təd­birlər görəcək. Bu ölkələr nüvə enerjisi sahəsində Rusiyadan asılılığı dayan­dırmağa çalışacaq. Eyni zamanda, G7 Rusiyaya sənaye avadanlığı və texno­logiyalarının ixracını məhdudlaşdırma­ğa davam edəcək.

Yeri gəlmişkən, Böyük Britaniyanın Baş naziri Rişi Sunak Xirosimada keçi­rilən sammit çərçivəsində “Sky News” telekanalına müsahibəsində deyib ki, “Qərb ölkələrinin liderləri Ukraynanı dəstəkləməklə bağlı mövqeyindən geri çəkilməyəcək”.

“Rusiya bilməlidir ki, bizim və di­gər ölkələrin Ukraynanı dəstəkləməklə bağlı əzmi sarsılmaz olaraq qalır. Qərb ölkələri Kiyevə təkcə burada və indi de­yil, həm də uzunmüddətli perspektivdə yardım göstərmək niyyətindədir”, – o, vurğulayıb.

Qeyd edək ki, Böyük Britaniya 2021-ci il fevralın 24-də Rusiyanın Uk­raynaya hücumundan keçən müddət ərzində rusiyalı 86 fiziki şəxs və şirkətə qarşı sanksiyalar tətbiq edib. 

“Xalq qəzeti”