Dünən “Facebook”da dostluğumda olan qusarlı ziyalı Babacan Zəkiyev paylaşımı diqqətimi cəlb etdi. Orada yazılır: “Sabah (bu gün) Balaqusar kənd tam orta məktəbinin adını daşıyan Birinci Qarabağ müharibəsi şəhidi Sərvər Zeynəddin oğlu Abdulkərimovun 60 illik yubileyidir. Bununla əlaqədar bu gün məktəbimizdə kollektivimizin və şəhidimizin övladları Fərux Abdulkərimov və Ruqiyyə Hüseynovanın iştirakı ilə anım tədbiri keçirildi.
Müəllimlər şəhidin şərəfli döyüş yolundan söz açdılar, şagirdlər Vətənə, torpağa sədaqət ruhunda şeirlər söylədilər. Tədbirdə həzin vətənpərvərlik ruhlu musiqilər də səsləndirildi. Tədbir iştirakçıları sonda şəhidin məzarını ziyarət edərək üzərinə tər qərənfillər düzdülər. Sərvər Abdulkərimova və onun timsalında bütün şəhidlərimizə Allah rəhmət eləsin!”
P.S. Düşünürük ki, sosial şəbəkələrdə şəhidlərimizlə bağlı keçirilən tədbirlərlə əlaqədar belə xəbər və reportajların yayımlanması təqdirəlayiq haldır. Bu mənada qusarlı pedaqoq B.Zəkiyevin bu sahədəki əməyini yalnız alqışlamaq olar.
Təqdim etdi:
M.HACIXANLI
XQ