Ötən əsrin ortalarında Cənubi Afrika astronomu 49 yaşlı Dani Dyu Tyua ölümün hər an baş verə biləcəyi barədə məruzə oxuyurmuş.
Məruzəni bitirdikdən sonra isə cibindən nanəli konfet çıxararaq onu ağzına aparır. Birdən-birə vəziyyəti pisləşir və o, bir neçə dəqiqədən sonra dünyasını dəyişir. Məlum olur ki, onun ölümünə məhz nanəli konfet səbəb olub.
Həmin gün mərhum astronomun məruzəsini canlı dinləyənlər və hadisənin canlı şahidi olanlar ömürlərinin sonuna qədər bu hadisəni unuda bilməyiblər.
Bizdə deyirlər ki, taledən qaçmaq olmaz. Cənubi Afrikada da, yəqin ki, buna bənzər ifadə, yaxud deyim var.
Təqdim etdi: M.QARAÇAYLI, “Xalq qəzeti”