Keçən əsrin 30-cu illərində ABŞ-ın Detroyt şəhərinin sakini Cozef Fiqlok bir gün küçə ilə gedirmiş. Bu an onun üstünə çoxmərtəbəli binadan yıxılan 1 yaşında uşaq düşür.
Məlum olur ki, uşağın anası pəncərəni bağlamağı unudub. Lakin xoşbəxtlikdən Cozef və uşaq ciddi xəsarət almırlar.
Lakin düz bir il keçdikdən sonra yenidən həmin küçədə və eyni yerdə Cozefin üstünə artıq 2 yaşlı həmin uşaq düşür və bu dəfə də xəsarət alan olmur. Unutqan anaya isə qonşuları bərk-bərk tapşırırlar ki, bir də pəncərəni açıq qoyub otaqdan çıxmasın. Ana vəd edir ki, bir də belə hal baş verməyəcək.
Deyilənllərə görə, Detroyt sakini üçüncü dəfə yolunu həmin küçədən salmamağa çalışarmış. Necə deyərlər, başına gələn başmaqçı olar.