300-dən çox vətəndaşımız onların “yeraltı müharibəsi”nin qurbanı olub

Azərbaycanın Qarabağ iqtisadi rayonundan getməyə məcbur edilən separatçı-xunta rejiminin doğma yurdlarına qayıtmağa başlayan soydaşlarımıza qarşı “yeraltı müharibəsi” hələ davam edir. Dörd gün bundan əvvəl daha üç vətəndaşımız Kəlbcərdə mina partlayışı nəticəsində yaralanıb. Partlayış rayonun Ağdaban kəndi ərazisində minalardan təmizlənməmiş ərazidə baş verib.

Azərbaycan Prezidenti İlham Əliyevin II Şuşa Qlobal Media Forumunun açılış mərasimində toxunduğu mövzulardan biri də Ermənistanın müharibədən sonra Azərbaycan ərazisini minalarla çirkləndi­rilməsi oldu. 

“2020-ci ilin 10 noyabr tarixli üçtərəfli Bəyanatından sonra, bizim Laçın dəhlizi üzərində nəzarətimiz olmadığı dövrdə Er­mənistandan mina daşınır və onlar Qara­bağda basdırılırdı. Biz bunu necə bilirik? Çünki o minaların üzərində “İstehsal tarixi 2021-ci il, Ermənistanda istehsal edil­mişdir” yazıları var. Yəni, təsəvvür edin ki, İkinci Qarabağ müharibəsi başa çat­dıqdan sonra belə onlar bizə qarşı mina terroru həyata keçirirdilər”.

Bu gün dünyanın bir çox ölkələrinin mina terrorundan əziyyət çəkdiyini forum iştirakçılarının diqqətinə çatdıran dövləti­mizin başçısı iyulun 19-da insidentin baş verdiyini, üç nəfərin mina partlayışı nəti­cəsində yaralandığını söyləyib: “2020-ci ildən bu yana 300-dən çox insan ya hə­lak olub, ya da yaralanıb. Təəssüf ki, nə­hayət, Ermənistanın bizə verdiyi mina xə­ritələri tamamilə yararsızdır, onlar dəqiq deyil. Əvvəl biz onlardan xahiş edəndə deyirdilər ki, – onların baş nazirləri mənə deyirdi ki, – bizdə xəritələr yoxdur. Ancaq sonra etiraf etməli oldular ki, xəritələr var, amma onlar tamamilə yararsızdır”.

Keçmiş köçkünlərin doğma yurdları­na qayıdışına ən böyük maneənin məhz minalar olduğunu deyən İlham Əliyev Azərbaycanın həmin ərazilərin reabilita­siyasının daha sürətli aparılması üçün infrastruktur layihələrinin və yaşayış bina­larının inşasına başlamamışdan əvvəl o ərazilərin minalardan təmizləndiyini qeyd edib. “Təəssüflər olsun ki, bizim kifayət qədər resursumuz, təcrübəli heyətimiz yoxdur. Beynəlxalq təşkilatlar və şirkət­lər bizə elə qiymətlər təklif edirlər ki, hər bir kvadratmetrə təklif edilən qiymət 5-10 dəfə artıqdır. Çünki bizim də özümüzün Minatəmizləmə Agentliyimiz və şirkətlə­rimiz var. Bu, nə qədər davam edəcək, bunu demək çox çətindir”. 

İşğaldan azad olunmuş ərazilərin əziyyətli və vaxtaparan iş olduğu hamı­ya məlumdur. Üstündən 25 il keçməsinə baxmayaraq, Balkanlarda hələ də mina partlayışlarının baş verdiyini forum iş­tirakçılarının diqqətinə çatdıran dövl\ət başçımız bu bəlanın artıq beynəlxalq xa­rakter aldığını vurğuladı: “Yəni, Balkan­larda münaqişə illərdir sona çatmasına baxmayaraq, hələ də bu hallar baş verir. Təəssüflər olsun ki, biz də onilliklər ər­zində bununla üzləşəcəyik. Bu gün bizdə olan məlumata görə, orada bir milyondan artıq mina basdırılıb”. 

Forumdakı çıxışında köçkünlərin Qa­rabağa qayıdışı məsələsinə də toxunan Prezident İlham Əliyev vətəndaşların dörd şəhərə və dörd kəndə artıq qayıt­dıqlarını nəzərə çatdırıb: “Azad edilmiş ərazilərdə artıq 8 minə yaxın əhali yaşa­yır. İlin sonuna qədər bu rəqəm 20 minə çatacaq. Bir neçə ay əvvəl biz 23 bina­dan ibarət yaşayış kompleksini istifadəyə verdik. Üç, dörd, beşmərtəbəli binalardır. Buraya yaxındır, oranı gedib görə bilərsi­niz. Artıq orada sakinlər yaşayırlar. Yəni, Qarabağda və Şərqi Zəngəzurda geniş reabilitasiya proqramı həyata keçirilir”.

Azərbaycanın Qarabağ iqtisadi ra­yonundan çıxarkən evlərini yandıran, mal-qarasına od vuran, naqilləri, hətta unitazını çöküb aparan hay vandallarının özlərindən sonra torpaqlarımızda burax­dıqları yeraltı “yadigarları”nın əziyyətini hələ neçə illər çəkəcəyimiz şübhəsiz­dir. Onlar özünəməxsus “qisas” meto­du saydıqları vəhşilikləri ilə bu torpağa, həqiqətən, vətən kimi baxmadıqlarının, deməli, burada yaşamağa layiq ünsürlər olmadıqlarının əyani sübutudur. 

İ.HƏSƏNQALA
XQ