“İDEF-2023” Beynəlxalq Müdafiə Sənayesi Sərgisidə iştirak edən müdafiə sənayesi naziri Mədət Quliyev Türkiyə Müdafiə Sənayesi Komitəsinin sədri Haluk Görgünlə görüşüb.
Söhbət zamanı iki qardaş ölkə arasında hərbi-texniki sahədə əməkdaşlıq əlaqələrinin bundan sonra da daha sıx davam etdirilməsi və digər maraq doğuran məsələlər barəsində fikir mübadiləsi aparılıb.
Sərgi çərçivəsində gələcəkdə milli döyüş təyyarələrinin istehsalı sahəsində həyata keçiriləcək birgə layihələr üzrə mühəndis texniki personalın hazırlanması məqsədilə iki qurum arasında niyyət protokolu imzalanıb.
Qeyd edək ki, sərgi çərçivəsində Müdafiə Sənayesi Nazirliyi ilə Türkiyənin Makina və Kimya Endüstrisi şirkəti arasında əməkdaşlıq protokolu da imzalanıb.
Qəzənfər QASIMOV, “Xalq qəzeti”