İpoteka və Kredit Zəmanət Fondu (İKZF) tərəfindən indiyədək 50 min 216 borcalana 3 milyard 92 milyon 763 min manat kredit verilib.
Fondun məlumatına görə, ötən müddətdə 475 milyon 296 min manat məbləğində biznes kreditlərinə zəmanət verilib, 4510 mənzil isə kirayəyə vermək yolu ilə realizə edilib.
Xatırladaq ki, adı çəkilən fond 2017-ci ilin sonunda “Azərbaycan İpoteka Fondu” və “Kredit Zəmanət Fondu” ASC-lərin birləşməsi nəticəsində yaradılıb və onların hüquqi varisidir. Qurum milli maliyyə təsisatlarına uzunmüddətli subsidiyalaşdırılmış ipoteka kreditlərinin verilməsi və ucuz maliyyə resurslarına çıxışın təmin edilməsi ilə bağlı likvidlik dəstəyini verən dövlət agenti kimi fəaliyyət göstərir.
.jpg)
