Süni intellekt sürətlə həyatımıza daxil olur. O artıq bəzi problemləri asanlıqla həll edir. Məsələn, tədqiqatçılar elə bir süni in­tellekt alətləri yaradıblar ki, onlar, sadəcə, insanları qoxulamaqla xəstəlik növlərini aşkar edirlər. Xərçəng, şəkərli diabet, beyin zədəsi və stress əsasən aldehidlər adlanan kimyəvi maddələrlə, Parkinson xəstəliyi isə "müşk qoxusu" ilə əlaqəlidir. 

Süni intellekt botları həm də qaz və ya digər kimyəvi maddələrin sızmasını insan­dan tez ortaya çıxarır. İndi meyvələrin yetiş­məsini təyin edə və hətta səbətə yerləşdirə bilən robotlar var. Bu, sensorlar və kamera­lar vasitəsilə həyata keçirilir.

Videoya baxarkən insanın emosiyalarını izləyə bilən süni intellekt vasitələri getdikcə populyarlıq qazanır. Süni Emosional İntel­lekt üz ifadələri, bədən dili və s. məlumatla­rın toplanması ilə işləyir. Daha sonra onları təhlil edir, bu məlumatlar əsasında fəaliyyət planı hazırlayır.

Tədqiqatçılar xəstənin ölümünü proq­nozlaşdırmaqda qara qutu alqoritmi tapıblar. Bu, xəstəlik məlumatlarından alınan EKQ nəticələrindən istifadə etməklə əldə edilir. Onun köməyi ilə insanın ölüm tarixi dəqiq göstərilir.

PÜNHAN
XQ