İspaniyanın məşhur kurort adasında yerləşən Mayorkada yerli sakinlər kütləvi turizm əleyhinə nümayiş keçiriblər.

Polisin məlumatına görə, aksiyada 20 minə yaxın insan iştirak edib. DW xəbər verir ki, təşkilatçılar 50 minə yaxın etirazçının olduğunu iddia edirlər.

“Kütləvi turizm öz adasında yaşamaq imkanı olmayan yerli sakinlər üçün çətinliklər yaradır, çünki turist mənzilləri səbəbindən qiymətlər qalxır. Turistlər yayda çimərlikləri doldurur və dövlət xidmətlərini çətinləşdirir”, - nümayiş təşkilatçılarından biri Reuters agentliyinə bildirib.

İyulun əvvəlində bir neçə min insan Kataloniyanın bir sıra şəhərində kütləvi turizm əleyhinə nümayişlərə toplaşıb. Yerli polisin məlumatına görə, Barselonada mitinqdə 2800, Gironada isə 400-dən çox adam iştirak edib.

Aprelin sonunda Kanar və Balear adalarında kütləvi turizm əleyhinə nümayişlər keçirilib. Kanarya adalarında, polisin məlumatına görə, nümayişlərdə təxminən 20 min adam iştirak edib. Təşkilatçılar təxminən 50 min iştirakçı elan ediBlər. Balear adalarının ən böyük şəhəri Palma de MallorKada keçirilən aksiyada təxminən 10 min adam iştirak edib.

Kanar adalarında keçirilən mitinqin təşkilatçıları kütləvi turizmin yerli sakinlərə və ətraf mühitə zərərli olduğuna əmindirlər. Nümayişçilər Tenerifedə iki yeni otelin tikintisinə qarşı çıxıb, həmçinin onları Kanar adalarında turizm sənayesinin gələcək inkişafı ilə bağlı qərarlarda söz sahibi olmağa çağırıblar. Palma-de-Malyorkadakı etirazçılar da öz növbəsində yerli hakimiyyət orqanlarını orada beş ildən az müddətdə yaşayan insanlara əmlak almağı qadağan etməyə çağırıblar.

S.ELAY

XQ