NASA qara dəliklərin sirli dünyasını göstərmək üçün yeni animasiya filmini təqdim edib. Burada əsas personaj Günəşin kütləsindən 4,3 milyon dəfə böyük olan nəhəng qara də­likdir. Animasiyanın yaradıcısı NASA Kosmik Uçuş Mərkəzinin astrofiziki Ceremi Şnittmandır. 

O qeyd edib ki, bu cür vizu­al təsvirlər qara dəliklərin sirlərini açmaq istəyən elm adamları və həvəskar araşdırmaçılar üçün bö­yük maraq doğurur. Filmdə 360 dərəcə boyunca çəkilən kadrlar izləyicilərə virtual səyahət zamanı ətrafa baxmağa imkan verir. Bu­rada 400 milyon mil (640 milyon kilometr) uzaqlıqda yerləşən qara dəliyin getdikcə daha da sürət­lə böyüyən mənzərəsini görmək mümkündür. Ekran boyunca qara dəliyin diski, foton halqaları daha aydın görünür və onların işığı get­dikcə çoxlu təsvirlər əmələ gətirir. 

Qara dəliklərin daxilində za­manın yavaş irəlilədiyi və ya ümu­miyyətlə irəliləmədiyi təxmin edilir. Onlar dahi alim Albert Eynşteynin ümumi nisbilik nəzəriyyəsi ilə təsvir edilir. 

FİDAN
XQ