Dünyanın ən böyük sertifikatlaşdırma mərkəzlərindən biri olan Yaponiyanın "GlobalSign" şirkəti Rusiya saytlarının SSL sertifikatlarını məcburi qaydada ləğv etməyə (geri çağırmağa) başlayıb. Bu barədə "RBK" agentliyi şirkətin Rusiyadaki hüquqi şəxsi olan "GMO GlobalSign Russia"nın baş direktoru Dmitri Rıjikovun məktubuna istinadən məlumat yayıb.
SSL sertifikatı - saytın "rəqəmsal pasportu"dur, onun həqiqiliyini təsdiqləyir və istifadəçinin brauzeri ilə server arasında təhlükəsiz, şifrələnmiş bağlantını təmin edir.
"Dərin təəssüf hissi ilə bildiririk ki, bu konsorcontextiumun hazırkı sərt reqlamentləri birbaşa beynəlxalq sanksiya məhdudiyyətlərinin icrasını nəzərdə tutur", - Rıjikovun məktubunda qeyd olunub. Onun sözlərinə görə, sertifikatların ləğvi prosesi iyunun 13-də başlayıb və mərhələli şəkildə həyata keçiriləcək.
Rusiya Rəqəmsal İnkişaf, Rabitə və Kütləvi Kommunikasiyalar Nazirliyinin (Mintsıfrı) nümayəndəsi "RBK"yə bildirib ki, "GlobalSign"ın Runetdəki (Rusiya internet seqmenti) payı 5%-dən çox deyil. O izah edib ki, Rusiyada 2021-ci ildən nazirliyin Milli Sertifikatlaşdırma Mərkəzi fəaliyyət göstərir. "Ən pis halda, sertifikatları ləğv edilən saytlar və onlayn xidmətlər, sahibləri yeni sertifikatlar əldə edənədək qısa müddət ərzində əlçatmaz ola bilər", - agentliyin həmsöhbəti vurğulayıb.
S.ELAY
XQ
