Özbəkistan paytaxtında “İqtisadiyyatın əsas istiqamətləri – ümumi rifaha doğru addım” adlı sərgi keçirilir. Azərbaycan Respublikasının Dövlət Neft Şirkəti sərgidə Azərbaycan məhsulları və ölkədə göstərilən xidmətləri özündə əks etdirən stendi ilə təmsil olunur. 

Prezident İlham Əliyevin Özbəkista­na dövlət səfəri çərçivəsində Azərbaycan Respublikasının İqtisadiyyat Nazirliyinin dəstəyi, İxracın və İnvestisiyaların Təşviqi Agentliyinin təşkilatçılığı ilə təşkil olunan sərgidə SOCAR stendi çoxsaylı ziyarət­çilər tərəfindən böyük maraqla qarşılanıb.

Stenddə SOCAR-ın fəaliyyət is­tiqamətlərinə, o cümlədən apstrim, mi­dstrim, daunstrim, “yaşıl gündəlik” və insan kapitalı üzrə əldə olunan ən son na­iliyyətlərə dair məlumatlar “touch screen” ilə idarə olunan 5 LED monitor vasitəsilə Azərbaycan, rus və ingilis dillərində təq­dim edilir. 

Burada şirkətin müxtəlif ölkələrdə fəa­liyyət göstərən nümayəndəlikləri barədə məlumatlar əldə etmək mümkündür. Sə­gidə “Şahdəniz Alfa” platforması, oradan boru ilə qazın Gürcüstan vasitəsi ilə Tür­kiyəyə ötürülməsi və yayılması, eyni za­manda həyata keçirilən fəaliyyətdə insan kapitalının vacibliyi neftçi obrazı ilə 3D effektlərlə təqdim edilir. 3D (LED) fanlarla nümayiş etdirilən “Şahdəniz Bravo” plat­formasının maketi də sərgi iştirakçılarının dərin marağına səbəb olub. 

SOCAR stendində, həmçinin Heydər Əliyev adına Neft Emalı Zavodunda isteh­sal edilən məhsullar, o cümlədən Aİ 92 və Aİ 95 markalı benzin, neft koksu, kerosin, nafta, bitumen və dizel təqdim olunur.