Cəbrayıl rayonundakı “Araz Vadisi İqtisadi Zonası” Sənaye Parkında İtaliyanın “İveco” markalı avtomobilləri üçün servis mərkəzinin yaradılmasına dair layihə işləri başa çatıb. 

Bu barədə İqtisadiyyat Nazirliyi İqti­sadi Zonaların İnkişafı Agentliyinin sədri Elşad Nuriyev məlumat verib. Yaxın vaxt­larda mərkəzin inşasına başlanılacağını bildirən E. Nuriyev onu da deyib ki, hazır­da Ağdam Sənaye Parkında da bir neçə layihə ilə bağlı müraciətlərə baxılır.

Xatırladaq ki, ötən il Sumqayıt Kim­ya Sənaye Parkında rezident kimi qeydə alınmış “Az-Tex-Import” MMC 3 hektar ərazidə İtaliyanın qabaqcıl texnologiya­larının tətbiqi ilə “İveco” markalı yüngül, orta və ağır tonnajlı yük və xüsusi təyinatlı avtomobillərin istehsalını planlaşdırır. İn­vestisiya dəyəri 19,2 milyon manat olan layihə çərçivəsində 90 nəfər daimi işlə təmin ediləcək.

Bununla yanaşı, 2023-cü ilin iyul ayın­da Qarabağda yük avtomobillərinə servis xidməti göstərəcək müəssisə də işə sa­lınacaq. Artıq Rusiya–Azərbaycan birgə müəssisəsi olan “Auto Leasing Azerbai­jan”da tikinti işlərinin 85 faizi artıq tamam­lanıb. 

“Xalq qəzeti”