VIII əsrdə Abbasilər sarayında yaşamış görkəmli ərəb astronomu İbrahim bin Həbib əl-Fəzəri tərəfindən ixtira edilən astrolab orta əsrlərdə ulduzlar və planetlərin öyrənilməsində istifadə edilən ən mükəmməl kompas hesab olunur.
Astrolabla göy cisimlərinin yeri müəyyən edilir və üfüqdən hündürlüyü ölçülürdü. Ərəblər bu yolla istiqaməti müyyənləşdirirdilər. Yeri gəlmişkən, astrolab həm də ərəblərin istifadə etdiyi ilk astronomik cihazdır. Ərəb aliminin bu ixtirası dünyanın ən böyük möcüzələrindən biri sayılır. Bu kəşf dənizçilər üçün çox faydalı olub. Belə ki. bu cihazın köməyi ilə dəniz və okeanlarda istiqaməti müəyyəndirmək mümkün olub.
Məlumat üçün onu da qeyd edək ki, İbrahim bin Həbib əl-Fəzəri məşhur ərəb riyaziyyatçısı və astronomudur. O, dövrün digər böyük alimi Yaqub ibn Tariq və oğlu Məhəmməd əl-Fəzəri ilə birlikdə Brahmaquptanın “Brahma-sphuta-siddhanta” traktatını sanskrit dilindən ərəb dilinə tərcümə edib. Bu tərcümə "Böyük Sindhind" adlanır. Ehtimal olunur ki, məhz bu tərcümə vasitəsilə hind rəqəmləri Hindistandan İslam dünyasına keçib.
PÜNHAN
XQ