İmmunoloq Andrey Perekopskinin fikrincə, qədim Çində şəfaçıların jenşen qədər qiymətləndirdikləri biyan kökü bir sıra xəstəliklərə çarədir. Onun fikrincə, biyan allergiya vermədiyinə görə, hətta uşaqlar və hamilə qadınlar da ondan istifadə edirlər.
Bu bitkinin kökündə asparagin, qlisirizin, stearin, flavonoid, kumarin kimi faydalı maddələr və bir çox digər üzvi birləşmələr var. Biyan sink, mis, selen, kalium, alüminium, dəmir kimi minerallarla da zəngindir.
Biyan kökü tənəffüs yolları xəstəliklərinin müalicəsində geniş istifadə olunur. Aktiv maddələr bəlğəmi yumşaldır və onun atılmasına kömək edir. Bundan əlavə, biyan antimikrob və antiviral təsirlərə malikdir.
Biyan kökünün anti-sklerotik xüsusiyyətləri xolesterin səviyyəsini aşağı salır.
Kosmetikada biyan sızanaq, seboreya, ekzema, dermatit, sedef xəstəliyinin müalicəsində istifadə olunur.
Biyan çayı immuniteti gücləndirir, yuxunu yaxşılaşdırır. 2:1:1 həcm nisbətində biyan, limon balzamı və çobanyastığı götürülür. Üstünə qaynar su tökülür və beş-yeddi dəqiqə saxlanır, gündə üç dəfə yeməkdən bir saat əvvəl içilir.
Ürək çatışmazlığı, yüksək təzyiq, tromboz və həzm sistemi patologiyaları olan insanlara biyan komponentləri olan dərmanları içmək qadağandır.
Z.HÜSEYNLİ, “Xalq qəzeti”
