Belarusda II MDB Oyunlarında Azərbaycan komandasının uğurlu çıxışı davam edir.
Azərbaycan ağırlıqqaldıranı Dadaş Dadaşbəyli komandamızın aktivinə daha bir qızıl medal əlavə edib. İdmançı 109 kiloqram çəki dərəcəsində bütün rəqiblərini üstələyib. O, toplam 393 kq (177+216) nəticə ilə qalib adına layiq görülüb.
Bununla da, komandamızın qazandığı qızıl medalların sayı 6-ya çatıb. Azərbaycan ölkələrin medal sıralamasında 30 medalla 4-cü yerdə gedir.
Avqustun 15-dək davam edəcək yarışa ölkəmiz 16 idman növündə 177 idmançı ilə təmsil olunur.
Leyla SABİRQIZI, “Xalq qəzeti”