“OpenAI” şirkəti tərəfindən irəli sürülən “ChatGPT”nin uğurlarından sonra söhbət çatbotlarının sayı artmağa başlayıb. “ChatGPT”nin rəqiblərindən biri olan “Claude” mühüm iddia ilə diqqəti cəlb edir. Belə ki, əhəmiyyətli yaddaş yeniləməsi alan süni intellekt 75 minə qədər sözü emal edə bilir. Xəbəri “cnet.com” saytı verib.
Şirkət “Claude”nin yeni yaddaş sistemini sınaqdan keçirib. “Great Gatsby” kitabında bir cümlə dəyişdirilib və çatbot romanı iki dəfə oxuyub. Süni intellektin fərqi dərk etməsi cəmi 22 saniyə çəkib. Beləliklə, söhbət çatbotu “Claude” 75 minə qədər sözü yadda saxlamaqla indiyə qədər ən çox söz emal edən söhbət çatbotu ünvanını alıb. “ChatGPT” isə hazırda bir söhbətdə təxminən 3 min söz emal edir.
Əfsanə ƏHƏDLİ, “Xalq qəzeti”
.jpg)
