Bu il mayın 18-21-də Çində keçiriləcək 7-ci Ümumdünya Süni İntellekt Konqresinin əsas mövzusu “Süni intellekt: hərtərəfli inkişaf sahəsi, dayanıqlı inkişafın hərəkətverici qüvvəsi” olacaq.
Tədbir ağıllı texnologiyalarla iqtisadi və sosial inkişafın gücləndirilməsinə yönəldilsə də, smart texnologiya sahəsində dəyişiklik, əməkdaşlıq, nəticələr və süni intellekt texnologiyalarını paylaşmaq üçün qlobal platforma olacaq.
Tədbir zamanı “ağıllı avtomobillər”, məhsuldar süni intellekt, beyin-kompüter qarşılıqlı əlaqəsi kimi perspektivli mövzular, o cümlədən iqtisadiyyat, cəmiyyət və mədəniyyət sahələrində süni intellektlə bağlı qaynar gündəmlər müzakirə olunacaq.
Sərgidə ABŞ, Almaniya, Yaponiya və Cənubi Koreya da daxil olmaqla, 21 ölkədən və regiondan ekspertlər, akademiklər, sahibkarlar iştirak edəcəklər.
Səadət RZAYEVA, “Xalq qəzeti”