Bosniya və Herseqovinanın paytaxtı Sarayevoda gənc və yeniyetmə taekvondoçular arasında Multi Avropa Oyunları başa çatıb. Yarışın son günündə dayanq üzərinə çıxan yeniyetmə atletlər 2 qızıl və 1 gümüş medal qazanıblar.
İdmançılarımızdan İlyas Hətəmli (160 sm) və Şəms Əlizadə (160 sm) əzmlə mübarizə apararaq fəxri kürsünün ən yüksək pilləsində yer alıblar. Yalnız finalda məğlub olan Novruz Əliyev isə gümüş medala sahib olub.
Ümumi hesabda yığmamız oğlanlar arasında ikinci, qızların mübarizəsində üçüncü yeri tutub.
Beləliklə, milli komandamız Multi Avropa Oyunlarını 6 medalla başa vurub. Qeyd edək ki, bundan əvvəl gənclər arasında Məhəmməd Həsənli (48 kq) gümüş, Hüseyn Xudiyev (78 kq) və Ruslan Həsənzadə (+78 kq) bürünc medal alıblar.
