Milli təhsil sistemimizdə dəyərlərə yanaşmada böyük uğurlar maddilə­şib. Əsas məsələ bu uğurları yeniliklərlə cilalayaraq növbəti epoxa və nəsillərə daşımaqdır. Sumqayıt şəhəri Tofiq İsmayılov adına 29 saylı tam orta məktəbin müəllimi Natiqə Məmmədova yeni nəsillərin milli və bəşə­ri dəyərlərə sadiq ruhda formalaşmasına böyük önəm verən pedaqoq­lardandır. Milli yaddaşın hər əhəmiyyətli faktı ilə bağlı daim şagirdləri ilə apardığı söhbətlər, onları maarifləndirmək yönündə səyləri təqdirə­layiqdir. 

Natiqə müəllimin fikrincə, təhsil sis­teminin müvəffəqiyyətinin bünövrəsi ibtidai siniflərdən qoyulur. Elm və təhsil yollarında titrək addımlarla yeriməyə başlayan hər uşağın qəlbində zəka çırağını yandırmağı bacarmaq böyük hünər tələb edir. O, ayrı-ayrı fənlərin tədrisi zamanı elmiliyə, həyatiliyə xü­susi diqqət yetirir. Şagirdlərin müstəqil idrakını və praktik fəaliyyətini düzgün istiqamətləndirmək, formalaşdırmaq və düzgün dəyərləndirməklə şagirdlərini daha çox düşündürməyə, özünənə­zarətə alışdırmağa çalışır. 

Natiqə Məmmədova 1959-cu ildə Tovuz rayonunun Aşağı Quşçu kən­dində anadan olub. Orta məktəbi ora­da başa vurub. Sonra Məhsəti Gən­cəvi adına Pedaqoji məktəbi bitirib və Sumqayıtdakı 19 nömrəli tam orta məktəbdə fəaliyyətə başlayıb. Gənc müəllim 1987–1991-ci illərdə Azərbay­can Dövlət Pedaqoji Universitetinin ib­tidai təhsil pedaqogikası və metodikası fakültəsində ali təhsil də alıb. 1986-cı ildən Sumqayıt şəhər Tofiq İsmayılov adına 29 saylı orta məktəbdə pedaqoji fəaliyyətini davam etdirir, ibtidai siniflər üzrə metodbirləşmə rəhbəridir. Na­tiqə Məmmədova nümunəvi pedaqoji fəaliyyətinə görə “Məktəb və təhsil” şö­bəsinin fəxri fərmanı ilə təltif edilib. O, şagirdlərinin dünyagörüşünün zəngin­ləşməsinə də ciddi fikir verir. Vətənə, torpağa məhəbbət hissi aşılayır. Bir si­nif miqyasında keçirdiyi tədbirlər geniş­liyi ilə ümumşəhər tədbirlərini xatırladır. 

41 illik nümunəvi pedaqoji fəaliyyəti dövründə Natiqə Məmmədova təcrü­bəli müəllim, sadə və səmimi insan, vətənpərvər şəxsiyyət olmaqla bərabər, eyni zamanda, qayğıkeş anadır. 2 övla­dı və 5 nəvəsi var. Rəmzi mənada isə minlərlə övladın mənəvi anasıdır. 

Aydın məsələdir ki, bu gün struktur, elmi-pedaqoji təfəkkür, kadrlar, proqram və dərs vəsaiti – hər biri özünü yenidən yaratmış məfkurə, ideologiya, məzmun və forma işığında idrak edilməlidir. Xü­susilə, Zəfər tariximizdən sonra daha kamil, müasir təhsil konsepsiyası və proqramına ehtiyac var. Tədris və tə­limdəki yenilənmə, ilk növbədə, bu amili nəzərə alaraq aparılmalı, təşkilati iş, elmi-pedaqoji fəaliyyət bu strategiya­nı hədəf almaqla qurulmalıdır. Natiqə müəllimin Zəfər dönəmindən sonra iş prinsipi də elə bu mötəbər hadisənin şa­gird təfəkküründə layiqincə yer alması təəssübkeşliyindən qaynaqlanır.

Natiqə müəllim yeniliklərə açıqlığı ilə seçilən müəllim kimi tanınır. Hələ ötən əsrin 80-ci illərindən – mənə dərs dediyi unudulmaz vaxtdan duyduğum bir məqamı qeyd etməliyəm. Natiqə Məmmədovaya görə, təhsil şagirdlərə əzbərləməyi deyil, düşünməyi və anla­mağı öyrətməlidir. Əks təqdirdə, səylər bilgili cahillər yetişdirməkdən başqa, bir işə yaramayacaq. Mark Tvenin de­diyi kimi, beyni inkişaf etdirməyə yox, yaddaşı doldurmağa xidmət edən təhsil mənfi rolunu oynayacaq. 

Natiqə müəllim şagirdlərdən bitkin insan formalaşdırmağı, milli-mənə­vi, bəşəri dəyərlərə sahib vətəndaş yetişdirməyi əsas zəmin sayan bir pedaqoqdur. Bu gün dəyərlərin sala­mat qalması və mənəvi ekologiyanın gələcəyə bütöv şəkildə adlaması üçün Natiqə Məmmədova kimi müəllimlərin böyük əməyi var. Türk mütəfəkkiri Əb­dülfəttah Şahin deyirdi ki, məktəblər­də, ən azı, digər dərslər qədər tərbiyə və vətənpərvərlik üzərində də dayanıl­malıdır ki, Vətəni cənnətə çevirəcək sağlam ruh və sağlam xarakterli nəsil­lər yetişə bilsin. Tanınmış tarixçi alim, milli kimlik şüurunun formalaşmasında mühüm xidmətləri olan İlbər Ortaylının isə belə bir fikri var: “Uşaqlarınıza yax­şı təhsil verməzdən əvvəl onları yaxşı insan kimi yetişdirin”. Uğurlu təhsilin də insan həyatında rolu müstəsnadır və sabahın mütərəqqi gənci kimi ye­tişmək bu amilin səviyyə və gücündən çox asılıdır. Natiqə Məmmədova bunu özünə prioritet seçən müəllimlərdən­dir. Onun iş prinsipi hər zaman uşaq­ları sağlam mənəviyyatlı yetişdirmək amilinə hesablanıb. Bəlkə buna görə şagirdlərini sənətə, sözə aşırı bir sevgi ilə istiqamətləndirir. Ədəbiyyat, şeirə maraq, mütaliə həvəsi yaradır onlarda. Ən azı, xəyal qurmağı öyrədir. Bilir ki, xəyal qurursansa, demək, arzun, istə­yin var və bütün əzm və bacarığın ar­zularını reallaşdırmağa yönələcək. 

Əlbəttə, bu yaxınlarda 65 yaşı ta­mam olan Natiqə Məmmədova bundan sonra da ölkəmizə, təhsilimizə şərəflə xidmət edəcək, uşaqlarımızın mənə­vi-əxlaqi dəyərlərinin qorunmasında, milli vətənpərvərlik ruhunda böyümə­sində öz yorulmaz və gərəkli fəaliyyə­tini davam etdirəcəkdir. Çünki ömür məramı uşaqların sevgisini qazanaraq irəliləmək olan bir insanın mənəvi-ic­timai həyatımızdakı missiyası ancaq yola davam etmək olmalıdır.

Elnarə AKİMOVA,
AMEA Ədəbiyyat İnstitutunun şöbə müdiri, filologiya elmləri doktoru