Dünyada 5 milyon insan bu virusa yoluxub

Ümumdünya Səhiyyə Təşkilatının (ÜST) Epidemiya və Pandemiyaya Hazırlıq və Qarşısının Alınması Departamentinin qrup rəhbəri Diana Alvarez Birləşmiş Millətlər Təşkilatının (BMT) Cenevrə ofisinin həftəlik mətbuat konfransında danq qızdırmasının yayılması halları ilə bağlı açıqlamalar verib.

Danq qızdırmasının insanlara yolux­muş ağcaqanadların dişləməsi ilə keçən ən çox yayılmış viral infeksiya olduğuna diqqət çəkən Alvarez, bu xəstəliyin daha çox tropik və subtropik iqlimlərdə şəhər yerlərində müşahidə edildiyini deyib. 

Banqladeş Səhiyyə Xidmətləri Baş İdarəsi tərəfindən verilən açıqlamada ölkə ərazisində, ümumilikdə, 127 min 700 nəfərin bu xəstəliyə yoluxduğu bil­dirilib. Ölkədə hələ avqust ayında 342 nəfər danq qripindən həyatını itirib. Ümu­miyyətlə, Banqladeşdə bu xəstəlikdən ölənlərin sayı 618-ə çatıb.

Açıqlamada 24 saat ərzində baş verən ölüm hallarının 17-nin paytaxt Dək­kədə baş verdiyi qeyd edilib. 

Alimlər virusun simptomlarını özün­də müşahidə edən şəxsləri vaxtında xəstəxanaya müraciət etməyə çağırıb. İnkubasiya dövründən sonra yüngül qız­dırma ilə davam edən xəstəliyin aldadıcı olduğunu, bəzən ağır fəsadlara səbəb olduğunun müşahidə edildiyini də bildi­riblər. 

ÜST isə yaydığı məlumatda vurğu­layıb ki, dünyada, təxminən, 4 milyard insan danq qızdırması virusuna yoluxma riski altındadır. Qurumun uyğun departa­mentinin qrup rəhbəri Alvarez verdiyi son açıqlama ilə iqlim dəyişikliyi səbəbindən bütün ölkələrdə temperaturun artdığı­nı deyib. Yoluxmuş ağcaqanadların da məhz bu səbəblə çoxaldığını vurğulaya­raq, qarşıdakı ildə daha çox ölkədə danq qızdırması hallarının baş verə biləcəyinə diqqət çəkib.

Danq qızdırmasının əlamətləri ara­sında yüksək hərarət, baş ağrısı, bədən ağrıları və ürəkbulanma olduğunu deyən Alvarez bildirib ki, xəstələrin çoxu, təx­minən, 2 həftə ərzində sağalır, bəzilərin­də isə bu, immunitet zəifliyi səbəbindən ciddi bir xəstəliyə çevrilə bilir.

Alvarez açıqlamasında deyib:

– Hazırda danq qızdırmasının spesi­fik müalicəsi yoxdur, lakin erkən diaqnoz və müvafiq tibbi yardıma əlçatanlıq ölüm ehtimalını azaldıb. 2023-cü ilin başlanğı­cından bəri bütün dünyada 5 milyondan artlq yoluxma hadisəsi və 5 mindən çox ölüm halı qeydə alınıb.

Z.HÜSEYNOVA
XQ