Ulu öndər Heydər Əliyevin 100 illik yubileyi münasibətilə Hərbi Prokurorluq “N” saylı hərbi hissədə Müdafiə Nazirliyi ilə birgə tədbir keçirib.
Hərbi prokurorluğun mətbuat xidmətinin rəhbəri Firad Əliyev, ədliyyə polkovniki Fərid Şükürov və ədliyyə müşaviri Samir Əzimzadə, polkovnik Təbriz Mirzəyev, polkovnik-leytenant Aqil İsmayılov, həmçinin “Vətənpərvərliyin təbliğinə dəstək” İctimai Birliyinin sədri, vətənpərvərlik mahnılarının ifaçısı Şəmistan Əlizamanlı, qazi Rey Kərimoğlu və digər şəxslər ulu öndər Heydər Əliyevin zəngin fəaliyyətindən, ölkəmizin qüdrətlənməsində, xalqın rifahının yüksəldilməsində müstəsna xidmətlərindən və dünya siyasətinə verdiyi töhfələrdən bəhs ediblər.
Tədbirdən sonra, hərbi qulluqçular qarşısında hüquqi maarifləndirici məzmunlu çıxışlar olunub, onları maraqlandıran suallar cavablandırılıb, eləcə də hərbçilərin qayğı və problemləri ilə maraqlanılıb.
“Xalq qəzeti”
