Deaşkənddəki Heydər Əliyev adına Azərbaycan Mədəniyyət Mərkəzində (AMM) Üzeyir Musiqi Günü qeyd olunub.

Tədbirdə Özbəkistanın elm, mədəniyyət və incəsənət xadim­ləri, ali məktəblərin professor - müəllim heyəti, tələbələr, yerli azərbaycanlılar, jurnalistlər iştirak edib. 

AMM direktorunun müavini Nadir Əlimirzəyev bildirib ki, 18 sentyabr Azərbaycan professional musiqi sənətinin banisi, Şərqdə ilk operanın müəllifi Üzeyir Ha­cıbəylinin doğum günüdür. 1995-ci ildə Azərbaycan Prezidenti Heydər Əliyevin fərmanı ilə dahi bəstəkarın anadan olmasının 110 illiyi ərəfəsində 18 sentyabr Üze­yir Musiqi Günü elan edilib. Bu gün dahi Üzeyir bəyin ruhu şaddır, çünki Azərbaycan musiqisi doğma Qarabağda, Şuşada səslənir. 

“Özbəkistan–Azərbaycan” Dostluq Cəmiyyətinin icraçı di­rektoru, professor Erkin Nuriddi­nov xalqlarımızın dostluğindan danışıb, Azərbaycan mədəniyyəti­nin və incəsənətinin Özbəkistanda tanınmasında AMM-nin rolunu qeyd edib. 

Sonra Mədəniyyət Mərkə­zinin nəzdindəki “Azərbaycan” rəqs ansamblının üzvləri mərasi­mi milli rəqslərimizlə rövnəqlən­diriblər. 

Sonda dahi bəstəkar Üzeyir Hacıbəylinin Heydər Əliyev Fon­dunun təşəbbüsü ilə bərpa edilən və rənglənən eyniadlı operettası əsasında Azərbaycan kino sənəti­nin əfsanəsi olan “Arşın mal alan” filmi nümayiş olunub.

Qulu KƏNGƏRLİ,
XQ-nin xüsusi müxbiri

Daşkənd