Bizi Telegram-da da izləyə bilərsiniz:@xqazeti
ABŞ-nin vitse-prezidenti C.D.Vensin başçılıq etdiyi nümayəndə heyəti ilə İsveçrəyə səfərə gəlib.
ABŞ administrasiyasının məlumatına görə, səfərin əsas məqsədi Vaşinqton və Tehran arasında diplomatik təmasların davam etdirilməsi, regional təhlükəsizlik məsələlərinin müzakirəsi və tərəflər arasında mövcud fikir ayrılıqlarının aradan qaldırılması istiqamətində danışıqların aparılmasıdır.
Məlumata əsasən, ABŞ nümayəndə heyətinin İsveçrədə İran tərəfi ilə görüşlər keçirməsi nəzərdə tutulur. Danışıqlarda Yaxın Şərqdəki vəziyyət, nüvə proqramı ilə bağlı məsələlər və regional sabitliyin təmin olunması istiqamətində addımların müzakirə ediləcəyi gözlənilir.
Vitse-prezident səfər öncəsi jurnalistlərə açıqlamasında İsveçrədə iki gündən artıq qalmayacağını bildirib. O qeyd edib ki, görüşlərin intensiv formatda keçirilməsi və qısa müddətdə yekunlaşdırılması planlaşdırılır.
Ekspertlər hesab edirlər ki, tərəflər arasında birbaşa təmasların təşkili mövcud gərginliyin azaldılması və diplomatik dialoqun qorunub saxlanılması baxımından mühüm əhəmiyyət daşıyır.
Səfərin yekunları və keçiriləcək görüşlərin nəticələri ilə bağlı əlavə məlumatın yaxın günlərdə açıqlanacağı gözlənilir.
