Yazıçı-ekoloq Bəxtiyar Hüseynovun növbəti kitabı “Yaşıl dünya naminə” adlanır. İqlim dəyişikliklərindən irəli gələn fəsadlara, təbii fəlakətlərə qarşı mübarizəyə həsr olunmuş bu nəşrdə Bakıda keçiriləcək COP29 beynəlxalq sammitinə hazırlıqla bağlı tədbirlərdən bəhs edilir. 

Yeni kitabda dünyada ekoloji tarazlığın pozulmasından doğan narahatlıq ifadə olu­nur və “yaşıl” dünya naminə bütün səyləri birləşdirməyin vacibliyi həyati faktlarla diqqətə çatdırılır. Müəllif ətraf mühitin mühafizəsi və təbii sərvətlərin zənginləş­məsi istiqamətində görülən işlərlə bağlı Azərbaycanın təcrübəsini örnək kimi təq­dim edir. 

Kitabın əvvəlində qeyd edilir ki, Pre­zident İlham Əliyevin Bakıda keçiriləcək COP29 sammiti ilə əlaqədar ölkəmizdə 2024-cü ilin “Yaşıl dünya naminə həmrəy­lik ili” elan olunması haqqında sərəncamı Azərbaycan təbiətinə göstərilən dövlət qayğısının daha bir ifadəsidir və eyni za­manda, ölkəmizin ekoloji təcrübəsini nü­munə kimi dünya qarşısında nümayiş et­dirməkdir. 

Bəxtiyar Hüseynov bir yazıçı-ekoloq kimi bu qayğıdan ruhlanaraq dövlət başçı­sının adıçəkilən sərəncamından irəli gələn vəzifələrə mənəvi töhfə olaraq “Yaşıl dün­ya naminə” kitabını ərsəyə gətirib. Müəllif bununla bağlı yazıb: “Təbii ki, bu vəsaitdə öz düşüncələrimi oxucularla, eləcə də tə­biətşünas alimlərlə, ekoloqlarla paylaşma­ğa çalışmışam. Kitabda təbiətlə bağlı prob­lemlərin və onların həlli yollarının hamının diqqətini çəkəcəyinə əminəm”. Akademik, AMEA-nın vitse-prezidenti İradə Hüsey­nova kitaba yazdığı rəydə bildirir ki, bu vəsaitin ən ümdə cəhətlərindən biri Bakıda keçiriləcək sammitdə iştirak edəcək eko­loqlarla Azərbaycanın uğurlu ekoloji təc­rübəsinin bölüşdürülməsi istəyidir. 

Qeyd edək ki, “Yaşıl dünya naminə” kitabı ekoloji problemlərin qoyuluşu və onların həlli yollarının göstərilməsi baxı­mından müəllifin əvvəlki əsərlərindən daha əhatəlidir. Azərbaycan təbiətşünaslı­ğına mühüm töhfə olan bu nəşrdən tədris müəssisələrində dərs vəsaiti kimi də istifa­də edilə bilər.