ATƏT Parlament Assambleyasının (ATƏT PA) 23-cü qış sessiyasının ikinci günü ATƏT məkanında keçirilmiş seçkilərlə bağlı çıxışlar dinlənilib. 

Milli Məclisin deputatı, ATƏT PA-da Azərbaycan nü­mayəndə heyətinin rəhbəri Azay Quliyev komitələrin birgə iclasında ölkəmizdə keçirilmiş növbədənkənar prezident seçkiləri barədə çıxış edib. O, diqqətə çatdırılıb ki, seç­kilər qanunvericiliyə uyğun, nizam-intizamla və peşəkar­lıqla keçirilib, milyonlarla Azərbaycan vətəndaşı ədalətli və şəffaf seçkilərdə öz konstitusion hüquqlarından istifadə edib. Seçkilərdə 76,43 faiz fəallığın qeydə alınması əha­linin seçki prosesinə etimadını nümayiş etdirir. Prezident İlham Əliyev qalib Ali Baş Komandan kimi Azərbaycan xalqının böyük dəstəyini (səslərin 92,12 faizi) qazanıb.

Azay Quliyev yekunda Azərbaycanda seçkiləri mü­şahidə etmiş iştirakçı dövlətlərin nümayəndə heyətlərinə təşəkkürünü bildirib.

***

İqtisadiyyat komitəsində isə ATƏT məkanında iqti­sadi vəziyyətə dair müzakirələr aparılıb. 

Milli Məclisin üzvü Tahir Mirkişili İqtisadiyyat komitə­nin iclasında bildirib ki, iqtisadi təhlükəsizliyi müzakirə edərkən üzv dövlətlər arasında təhlükəsiz nəqliyyat əlaqələri dəstəklənməlidir. Güvən və mehriban qonşuluq şəraitində inşa edilən bu layihələrdən biri də Orta Dəh­lizdir.

Bildirilib ki, Orta Dəhliz Çindən Qazaxıstan, qismən də Özbəkistan və Türkmənistandan keçməklə, Xəzər də­nizindən Azərbaycan, Gürcüstan və Türkiyədən keçərək Qara dənizə uzanan multimodal quru və dəniz nəqliyyatı marşrutudur. Şimal dəhlizində yaranmış maneələr də get­dikcə Orta Dəhlizin əhəmiyyətini artırır.

XQ