Mərkəzi Seçki Komissiyasının sədri Məzahir Pənahov prezident seçkiləri ilə bağlı jurnalistlərə açıqlamasında bildirib ki, səsvermədən sonra bütün proseslərin aşkar həyata keçirilməsi üçün Müstəqil Media Mərkəzi vasitəsilə şərait yaradılır. Azərbaycana gələn nümayəndələr, seçkilərlə maraqlanan tərəflər istədikləri vaxt burada mətbuat konfransları keçirə bilərlər.
M.Pənahov deyib ki, Mərkəzi Seçki Komissiyası olaraq çalışmışıq ki, bu proseslərdə iştirak edək. Əgər hansısa problem yaranarsa, MSK səlahiyyətləri çərçivəsində dərhal tədbir görüləcək. O, MSK-nın Müstəqil Media Mərkəzinin fəaliyyətinə xüsusi əhəmiyyət verdiyini diqqətə çatdırıb. M.Pənahov mətbuatsız heç bir ölkəmiqyaslı prosesin hansı səviyyədə keçirilməsini dünya ictimaiyyətinə çatdırmağın mümkün olmadığını bildirib.
Əliqismət BƏDƏLOV
XQ
