Təbrizdə milli şüarlar mərkəzinə çevrilmiş futbol meydançasının tamaşaçı tribunalarında bugünlərdə yenidən milli şüarlar səsləndi. “Səhənd” stadionunda minlərlə şəhər sakininin ucadan səsləndirdiyi “Azadlıq, Ədalər, Milli Hökumət!” şüarı ən uzaq məhəllələrədək yayılaraq ürəklərdə əks-səda verdi.
Artıq bu şüar bütün təbrizlilərin, Güney azərbaycanlılarının dilinin əzbəridir. Bununla da onlar 1945–1946-cı illərdə mövcud olmuş unudulmaz xalq hakimiyyətinin yaddaşlarda yaşadığını göstərir. Təbrizlilər demokratik hərakatın yenidən qələbə çalacağına əminliklərini bu çağırışla inamla ifadə edirlər.
Təbrizdə keçirilən futbol oyunları hər dəfə Güneyin baş şəhərində azadlıq aşiqlərini bir yerə toplayan mitinqləri xatırladır. Milli haqların qəniminə çevrilmiş hakim rejimlə bu mübarizədə xalq Qələbə topunu əsarət qapısından keçirəcək.
Rəhman GƏNCƏLİ
.jpg)
