İranın şəhərlərində videokameraların sayı artıb. Bu heç də cinayətkarlığa mübarizə üçün edilmir. Belə ki, “asayiş keşikçiləri” ictimai yerlərdə və küçələrdə hicaba nəzarət etmək üçün videokameralar quraşdırmağa başlayıb.

Bu tədbir “hicab qa­nununa qarşı müqavimə­ti qabaqlamaq” məqsədi daşıyır. Polis bu üsulla hicabsız gəzən və ya ör­tüyü səhv taxan qadınları müəyyənləşdirəcək, “po­zucular”a xəbərdarlıq me­sajları göndərəcək.

Xatırladaq ki, ötən il sentyabrın 14-də zavallı Məhsa Əmini yanlış taxıl­mış hicaba görə əxlaq polisi tərəfindən saxla­nılmış, işgəncəyə məruz qalmışdı. Ağır xəsarətlərlə xəstəxanaya aparıldıqdan sonra koma­ya düşən Əmini sentyabrın 16-da 22 ya­şında vəfat etmişdi. Rəsmilər qızın ölüm səbəbinin infarkt olduğunu, yaxınları isə onun dindirmə zamanı vəhşicəsinə dö­yüldükdən sonra dünyasını dəyişdiyini iddia etməkdədir

Hadisədən sonra İranı genişmiqyaslı etirazlar bürüdü. İğtişaşlar zamanı ölkə­nin Daxili İşlər Nazirliyinin məlumatına görə, 200 nəfər həlak oldu. Müstəqil QHT-lərin məlumatına görə, buvaxtə­dək siyasi aksiyalar səbəbindən ölənlə­rin sayı 500-dən çoxdur. 

Xalqın etirazlarını səngitmək üçün dekabrın 4-də İran rəhbərliyi əxlaq poli­sini ləğv etsə də, hicab nəzarəti müxtəlif formalarda davam edir. Qeyd edək ki, 1979-cu il İslam İnqilabı dini qanunların sərt təfsirini tətbiq edəndən bəri qadın­lar qanunla saçlarını hicab ilə örtməlidir­lər. Qanunu pozan qadınları cərimə və ya həbs gözləyir.

Hüseyn RƏHİMZADƏ