Dünən Azərbaycan xalqı üçün tarixi əhəmiyyəti və mədəni-mənəvi dəyəri yüksək olan, mədəniyyət paytaxtı Şuşa şəhərinə ilk turizm məqsədli səfər təşkil olunub.

40 nəfərdən ibarət olan ilk heyəti səfər zamanı Füzuli Beynəlxalq Hava Limanı, Anım Gününə həsr olunmuş xatirə lövhəsi və şəhərin mərkəzindəki dağıntılarla tanış ediblər.

İkigünlük tur çərçivəsində turistlər Şuşa şəhərində tarixi-mədəni abidələri­mizlə sıx təmasda olublar. Onlara Şuşa­da aparılan yenidənqurma işləri barədə məlumat verilib. Bildirilib ki, 30 ilə yaxın işğal dövründə Şuşa şəhərindəki tarixi binalar, məscidlər, abidələr erməni van­dalizminə məruz qalıb.

Xatırladaq ki, layihə Böyük Qayıdış siyasətinin tərkib hissəsi olmaqla, 18 yaşına çatmış Azərbaycan Respubli­kası vətəndaşlarının mədəniyyət pay­taxtına təhlükəsiz turizm səfərlərinin təşkilini, habelə işğaldan azad olunmuş ərazilərdə iqtisadi fəallığın artırılmasını hədəfləyir. 2 və 3 günlük turlar həftədə bir dəfə olmaqla icra ediləcək. Növ­bəti mərhələdə turların sayının tələbə əsasən artırılması nəzərdə tutulur. 

“Xalq qəzeti”