BMT-nin İnsan Hüquqları Şurasının 52-ci növbəti sessiyasında Azərbaycanın təbii sərvətlərinin Ermənistan şirkətləri tərəfindən qeyri-qanuni olaraq istismar və talan edilməsi barədə məsələ gündəmə gətirilib.

Toplantıda çıxış edən Dayanıqlı İnki­şaf Məqsədlərinin Gənclər Parlamenti­nin (YPSDG) vitse-prezidenti Julia Ros­so bildirib ki, Azərbaycanın vaxtilə işğal olunmuş ərazilərində qızıl yataqlarının və digər təbii sərvətlərinin irimiqyaslı qanunsuz istismarı aparılıb. Diqqətə çatdırıb ki, Ermənistan şirkətləri və xaricdən dəvət olunmuş şəxslər tərə­findən Azərbaycanın təbii sərvətləri in­tensiv şəkildə talan edilib. Bu isə hava­nın, suyun, torpağın çirkləndirilməsinə, meşələrin qırılmasına, biomüxtəlifliyin pozulmasına və yaşayış mühitinin itiril­məsinə gətirib çıxarıb.

YPSDG rəsmisi vurğulayıb ki, bu istismar qeyri-qanuni olduğuna və bey­nəlxalq tələblərə uyğun gəlmədiyinə görə daha da ciddi şəkil alıb, çünki ətraf mühitə dəyən ziyan regionun nadir eko­sistemini zədələyib. 

Məruzəçi xatırladıb ki, vaxtilə müha­fizə olunan ərazilərə 30 illik işğal döv­ründə xeyli ziyan dəyib, bu da orada məskunlaşan növlərin mühitinə mənfi təsir edib. Buna misal olaraq Zəngilan rayonundakı nadir çinar meşəsinin qı­rılması göstərilib. Zəngilandakı çinar meşəsinin vaxtilə dünyanın ikinci, Av­ropanın isə ən böyük meşəsi sayıldığı­na diqqəti çəkən məruzəçi bu ərazinin məhv edilməsini ekoloji terrorun daha bir əlaməti adlandırıb. 

Bildirilib ki, Qarabağda “ekosid” kimi səciyyələndirilən və cinayət məsuliyyəti tələb edən ekosistemin kütləvi şəkildə məhvi baş verib. “Ermənistan tərəfinin Azərbaycanın təbiətinə qarşı nüma­yiş etdirdiyi düşmən münasibəti nəinki Azərbaycanın ekoloji tarazlığına, flora və faunasına ciddi təhlükə yaradır, digər təxribat xarakterli hərəkətlərlə yanaşı, daha da nifrət doğurur, bölgədə sülh və təhlükəsizliyə ciddi təhlükə yaradır”, - deyə Julia Rosso əlavə edib. 

YPSDG-nin vitse-prezidenti mü­naqişədən sonrakı ərazilərə diqqətlə yanaşmağa, başqa dövlətin ərazi bütöv­lüyü prinsiplərini pozan davranışı dəyiş­məyə, ərazisi işğal altında olan dövlətin daşınar və daşınmaz əmlakının məhvi­ni qadağan edən bir sıra konvensiya və qətnamələrə, BMT-nin ətraf mühit stan­dartına riayət olunmasına çağırış edib.