İran təkcə Yaxın Şərq üçün təhdid deyil, həm də bütün dünya üçün problem yaradır. Belə bir bəyanatla ABŞ-ın müdafiə nazirinin köməkçisi Dana Stroll çıxış edib.
Stroll Tehran və Moskva arasında hərbi əməkdaşlığın genişlənməsinə və xüsusən də İranın Rusiya ordusuna pilotsuz uçuş aparatları verməsinə diqqət çəkərək, İran və Rusiyanın məkrli əməkdaşlığına qarşı mübarizə aparmaq üçün qlobal koalisiya yaratmağa çağırıb.
“İranın Ukraynada öyrəndiyi və təkmilləşdirdiyi taktika, üsul və prosedurların bir gün Yaxın Şərqdəki tərəfdaşlarımıza qarşı istifadə olunacağını güman etmək ağlabatandır”, – Stroll bildirib.
Paşa ƏMİRCANOV, “Xalq qəzeti”