Azərbaycanın bədii gimnastları Bəhreynin paytaxtı Manama şəhərində keçirilən Gimnaziada İdman Oyunlarında 4 medal qazanıblar.
Millinin üzvü Sofiya Məmmədova halqalarla hərəkətlərdə 29.450 xal toplayaraq fəxri kürsünün ən yüksək pilləsinə qalxıb. S.Məmmədova topla hərəkətlərin icrasında da fərqlənib. Hakimlərdən 28.050 xal alan gimnast bu dəfə gümüş medala yiyələnib.
Yığmamızın digər üzvü Şəms Ağahüseynova isə halqalarla hərəkətlərdə 29.000 xalla bürünc mükafata sahib çıxıb. O, lent proqramında hakimlərdən 27.350 xal alaraq 2-ci yeri tutub.
Leyla QURBANOVA
XQ
