İqlim dəyişikliyinin qarşısının alınması və planetin “yaşıl” inkişafı üçün dünya ölkələrini bir araya gətirən COP tədbirlərinin son dərəcə əhəmiyyətli olduğuna inanıram. Bu fikri Böyük Britaniyanın enerji təhlükəsizliyi və “xalis sıfır” emissiyalar üzrə dövlət katibi Ed Milibend Azərbaycanın Böyük Britaniyadakı səfirliyinin yeni inzibati binasının açılışı ilə əlaqədar keçirilən tədbirdə çıxışı zamanı səsləndirib.

Dövlət katibi indiyədək keçiril­miş COP görüşlərində razılaşdırılmış tədbirlərin davam etdirilməsinin, ha­belə COP29-da iqlim maliyyələşməsi məsələsi üzrə vacib razılığa gəlinməsi­nin iqlim məqsədlərinin təmin edilməsi baxımından mühüm əhəmiyyət daşıdı­ğını qeyd edib. O bu kontekstdə iqlim problemlərindən ən çox əziyyət çəkən ölkələrə dəstək verilməsinin önəminə diqqət çəkib.

Britaniyanın dövlət katibi çıxışın­da dönə-dönə vurğulayıb ki, Britaniya tərəfi COP29-un uğurla keçməsi və gözlənilən nəticələrin əldə olunması üçün ölkəmizə hər bir dəstəyi verməyə və Azərbaycanla yaxından tərəfdaşlıq etməyə hazırdır.

XQ