Mərkəzi Asiya Avropa İttifaqı ilə dialoqa və geniş əməkdaşlığa açıqdır. Bunu Özbəkistan prezidenti Şavkat Mirziyoyev Səmərqənddə keçiriləcək Mərkəzi Asiya-Avropa İttifaqının birinci sammiti ərəfəsində “Euronews” telekanalına eksklüziv müsahibəsində deyib.
Məlumatı “Anadolu” verib.
Prezident sammitdə təhlükəsizlik məsələlərinin müzakirəsi perspektivlərin barədə deyib: “Biz beynəlxalq münasibətlər sistemində köklü transformasiyanın şahidi oluruq. Dünya genişmiqyaslı dəyişikliklərə məruz qalır, nəticələrini hələ də proqnozlaşdırmaq çətindir. Regional təhlükəsizliyin təmin edilməsi həmişə Mərkəzi Asiya ölkələri üçün ən mühüm prioritetlərdən biri olub və olmaqda davam edir, - Mirziyoyev bildirib. - Ona görə də 2023-cü ildə Mərkəzi Asiya ölkələri ilə Aİ arasında bu sahədə əməkdaşlıq üçün yeni gündəliyin ekspert müzakirəsinə çıxarılması vəzifəsi qoyulub”.
Özbəkistan prezidenti bildirib: “Biz başa düşürük ki, regionumuz və Avropa İttifaqı təhlükəsizlik sahəsində, o cümlədən terrorizm, ekstremizm və transmilli cinayətkarlıqla, o cümlədən narkotiklərin qanunsuz dövriyyəsi ilə mübarizədə ümumi təhdid və çağırışlarla üzləşir. Bu baxımdan təhlükəsizlik sahəsində Avropa İttifaqı ilə əməkdaşlıq qarşılıqlı fəaliyyətimizin əsas istiqamətlərindən biridir”.
P.ƏMİRCANOV
XQ
