Süni intellekt (AI) ürək problemlərinə səbəb ola biləcək riskli xəstəlikləri araşdırıb tapmağa kömək edə bilər. Belə ki, İngiltərənin Lids Universitetində 2 milyondan çox insanı müalicə edəcək “Optimise” adlı süni intellekt sistemi hazırlanıb.

Yeni cihaz elmi sınaqlardan uğurla keçmiş və 400 mindən çox insanda ürək çatışmazlığı, insult və diabet kimi riskli xəstəlikləri müəyyən edə bilmişdir.

Nəticələri London Avropa Kardiologi­ya Cəmiyyətinin konqresində təqdim edən tədqiqatçıların sözlərinə görə, qurğu va­sitəsilə daha böyük kliniki sınaqların keçi­rilməsi nəzərdə tutulur.

Tibb elmləri doktoru Nadarajah deyib: “Ümid edirik ki, bu cihaz apardığımız tə­dqiqatlar nəticəsində ürək və qan dövranı xəstəlikləri olan pasiyentlərə faydalı ola­caq, həmçinin yüksək qan təzyiqini azalt­mağa kömək edəcək”. 

Qeyd edək ki, Böyük Britaniyada ölümlərin əksər hissəsi ürək və qan döv­ranı xəstəlikləri səbəbindən baş verir. Bu xəstəliklərin qarşısını almaq və onlara səbəb ola biləcək neqativləri aşkar etmək üçün süni intellekt texnologiyasının gü­cündən istifadə edilir.

S.FİDAN
XQ