Valensiya Universitetinin alimləri insanların oxuduğunu başa düşməsi ilə bağlı 200-dən çox araşdırmanı təhlil edib və müəyyənləşdiriblər ki, uzun müddət ərzində çap mediasını oxumaq rəqəmsal mediadan altı-səkkiz dəfə daha çox anlama bacarıqlarını artıra bilər. Bu barədə “The Guardian” qəzeti yazır.
Məqalənin həmmüəllifi Valensiya Universitetinin professoru Ladislao Salmeron deyir ki, asudə vaxtda rəqəmsal oxunma tezliyi ilə mətni başa düşmə qabiliyyəti arasında əlaqə sıfıra yaxındır. Bu, mətnin üslubu ilə bağlı ola bilər. Məsələn, sosial şəbəkələrdə ən çox mürəkkəb sintaksis və arqumentasiyadan məhrum olan danışıq mətnini görürsən. Rəqəmsal mətni oxuyarkən insan ən çox skanlama deyilən işlə məşğul olur, yəni o, rəvayətə tam nüfuz edə bilmir və informasiya materialındakı mürəkkəb əlaqələri tam qavramır.
Rəqəmsal oxuma ən çox uşaqlara mənfi təsir göstərir. Fakt budur ki, onlar, məsələn, telefon və ya planşet-tabletlərdə mətnə baxarkən daxil olan mesajlar onların diqqətini yayındırır. Tədqiqatçılar rəqəmsal mediadan oxumağa qarşı olmadıqlarını, lakin bunun kağızdan istifadədən daha az fayda gətirdiyini qeyd ediblər. Ona görə də mütəxəssislərin fikrincə, məktəblərdə müəllimlər uşaqların çap olunmuş kitablara diqqətini artırmalıdırlar.
Çap ədəbiyyatını, xüsusən, mürəkkəb ədəbiyyatı oxumaq rəqəmsal formatda mətni oxumaqdan daha çox vaxt apara bilər.
S.ELAY
XQ