Azərbaycan Yazıçılar Birliyində (AYB) birliyin üzvü, Prezident təqaüdçüsü Elnur Uğurun 44 günlük Zəfər savaşında əfsanəvi şücaət göstərən 13-cü əfsanəvi taborun 13 şəhidinin döyüş yolundan bəhs edən “13 Əfsanə” kitabının təqdimatı keçirilib.
Təqdimatı AYB-nin katibi, Əməkdar mədəniyyət işçisi, yazıçı Elçin Hüseynbəyli açıb. Tədbirin aparıcılığını tənqidçi Əsəd Cahangirə həvalə edib. Tədbirdə tanınmış tənqidçilərdən Vaqif Yusifli, Esmira Fuad, Yeganə Qəhrəmanova, Gürcüstan Milli Elmlər Akademiyasının akademiki, “Kür–Xəzər xeyriyyə cəmiyyəti”nin prezidenti Akif Kərimov, AzTV-nin departament rəhbəri Elnar Məmmədli, həkim-şair Nazilə Gültac, şairə Adilə Nəzər, “Ədəbi ovqat” dərgisinin təsisçisi Rafael Tağızadə, dilçi-alim Aynur Bəşirova, ASKEF-nin Azərbaycan təmsilçisi Sona İsmayılova, din xadimi Mirseymur Əliyev, qazi Ayar Abbasov, “13 əfsanə”nin valideynləri və doğmaları çıxış ediblər.
Aytən NƏCƏFOVA, “Xalq qəzeti”