Bu istiqamətdə hazırlanmış tədbirlər planına əsasən keçirilən “Heydər Əliyev və azərbaycançılıq məfkurəsi” adlı konfrans da yaddaşlara məhz ulu öndərin adına və xidmətlərinə layiq məqamlarla yazıldı. 

Tədbir iştirakçıları öncə ulu öndə­rin rayon mərkəzindəki abidəsi önünə gül dəstələri düzərək, dahi şəxsiyyətin xatirəsinə böyük hörmət və ehtiramla­rını bildirdilər. Rayon icra hakimiyyəti, hüquq-mühafizə orqanları, idarə müəs­sisə və təşkilat rəhbərlərinin və nü­mayəndələrinin, ziyalıların, ağsaqqalla­rın, elm xadimlərinin iştirakı ilə keçirilən konfransda Azərbaycanın Dövlət Himni səsləndirildi, ulu öndərin və torpaqları­mızın işğaldan azad olunması uğrunda mübarizələrdə şəhidlik zirvəsinə yüksəl­miş hərbçilərimizin xatirəsi bir dəqiqəlik sükutla yad edildi. 

Rayon icra hakimiyyətinin başçı­sı Səbuhi Abdullayev ümummilli liderin ötən əsrin sonlarında dövlətçiliyini bər­pa edən, azadlığa qovuşan Azərbaycan xalqının milli inkişaf yolunun və ideologi­yasının formalaşmasındakı və müstəqil­liyimizin əbədiləşdirilməsindəki rolundan söz açdı. 

Konfransda Qəbələ ictimaiyyətini təmsil edən elm xadimləri və ziyalılar adından Lənkəran Dövlət Universitetinin rektoru, professor Natiq İbrahimov, “Xalq qəzeti”nin şöbə müdiri, Əməkdar jurnalist İttifaq Mirzəbəyli və Alban-Udi xristian İc­masının sədri Robert Mobili bütün ruhu, qanı, canı ilə ən böyük azərbaycanlı olan ümummilli lider Heydər Əliyevin cəmiy­yətin bütövləşməsi üçün azərbaycançılıq ideologiyasının, milli həmrəyliyin aparıcı amilə çevrilməsi istiqamətində mühüm işlər gördüyünü, azərbaycançılığın ta­rixən formalaşmış ayrı-ayrı komponent­lərini vahid sistem və konsepsiya halına gətirərək, onu dövlət idarəçiliyinin el­mi-nəzəri əsasına çevirdiyini qeyd etdilər. 

Rayon təhsil ictimaiyyətini və gənc­ləri təmsil edən natiqlər qeyd etdilər ki, ulu öndər Heydər Əliyev azərbaycançı­lığı milli ideologiyaya çevirməklə cəmiy­yətin həmrəylik və bütövlüyünə, mənəvi birliyinə nail olmuşdur. Natiqlər Heydər Əliyevin Vətən və xalq qarşısındakı mi­silsiz xidmətlərindən, təhsilə və gənclərə göstərdiyi diqqət və qayğıdan danışdılar. 

İlqar HƏSƏNOV,
“Xalq qəzeti”nin bölgə müxbiri 

Foto Səhrab Umiyevindir, “Qəbələ” qəzeti