Əbu-Dabidə keçirilən “Zayed İnsan Qardaşlığı Mükafatı” mərasimi bu il xüsusi siyasi məzmun daşıdı. Azərbaycan Prezidenti İlham Əliyevin həmin tədbirdəki çıxışı humanizm, diplomatiya və real siyasətin sintezini nümayiş etdirdi.

Prezident çıxışına BƏƏ rəhbərliyinə təşəkkürlə başladı və Şeyx Zayedin siyasi irsini yüksək qiymətləndirdi. Bu, təkcə diplomatik etiket deyil, həm də dəyərlərə əsaslanan siyasətin vurğulanması idi.

Lakin çıxışın əsas fəlsəfəsi “müharibədən sülhə keçidin öyrənilməsi” ideyası idi. Prezident İlham Əliyev bildirdi ki, Azərbaycan xalqı tarixində ilk dəfə davamlı sülh şəraitində yaşamağı öyrənir. Bu cümlə həm emosional, həm də siyasi baxımdan çıxışın mərkəzi tezisi oldu.

Azərbaycan lideri açıq şəkildə bəyan etdi ki, uzunmüddətli münaqişələr belə siyasi iradə olduqda həll edilə bilər. Bu, təkcə Ermənistanla münasibətlər kontekstində deyil, dünyadakı digər münaqişələr üçün də ünvanlanmış mesaj idi.

Çıxışda beynəlxalq vasitəçilik rolu da qeyd olundu. Vaşinqton Zirvəsi və beynəlxalq dəstək mexanizmləri sülh prosesinin institusional əsaslarını formalaşdırdı.

Prezident İlham Əliyev post-münaqişə əməkdaşlığını konkret faktlarla göstərdi: ticarətin başlanması, nəqliyyat məhdudiyyətlərinin aradan qalxması, enerji sahəsində qarşılıqlı addımlar.

Bu çıxış göstərdi ki, Azərbaycan artıq təkcə qalib dövlət deyil, sülhü formalaşdıran məsuliyyətli aktordur.

Əbu-Dabidə səslənən bu mesaj qlobal miqyasda əhəmiyyət daşıyır: insan qardaşlığı ideyası real siyasi nəticəyə çevrilə bilər.

Abbas Pənahov,

Yeni Azərbaycan Partiyası 

Nəsimi rayon təşkilatının sədr müavini