Sudandakı gərgin vəziyyətlə əlaqədar bu ölkədəki daimi və müvəqqəti yaşayan vətəndaşlarımızın təhlükəsizliyinin təmin edilməsi məqsədilə Azərbaycan hökuməti tərəfindən müvafiq tədbirlər həyata keçirilməkdədir. Məlumatı ölkəmizin Xarici İşlər Nazirliyi yayıb.

Məlumatda bildirilib ki, hazırda Su­danda yerləri müəyyənləşdirilmiş 26 Azər­baycan vətəndaşının qardaş Türkiyənin dəstəyi, üçüncü ölkə vasitəsilə təxliyəsi həyata keçirilməkdədir. Həmçinin onların etibarlı səyahət sənədləri olmayanlarının ölkəmizin aidiyyəti diplomatik nümayən­dəlikləri vasitəsilə sənədləşdirilməsi işi təmin ediləcək.

Xarici İşlər Nazirliyi Sudandakı və­ziyyətlə əlaqədar bu ölkədə daimi və müvəqqəti yaşayan Azərbaycan vətən­daşlarına müraciət edərək onlardan hərbi qüvvələrin cəmləşdiyi ərazilərə səyahət etməməyi, ehtiyac olmadığı təqdirdə ev­lərdə və ya güvənli yerlərdə qalmaları, ha­belə vətəndaşlarımıza bu ölkəyə səyahət­dən çəkinmələrini tövsiyə edir.

Qeyd edək ki, Sudanda yaşayan vətəndaşlarımızdan təxliyə və ya hər hansı çətinliklə bağlı Azərbaycanın Misir Ərəb Respublikasındakı səfirliyi ilə əlaqə saxlamaları xahiş olunur.

Azərbaycan Respublikasının Misir Ərəb Respublikasındakı səfirliyinin qay­nar xətti: +201010271387

“Xalq qəzeti”