“Ermənistanda keçirilən idman mərasimində Azərbaycan Bayrağının yandırılması beyni türk soyuna qarşı zəhərləndirilmiş ermənilərin törətdikləri növbəti vəhşilikdir. Ən pisi də odur ki, baş nazir Nikol Paşinyan iştirak etdiyi həmin tədbirdə əksəriyyət görünməmiş vandallığı alqışladı və bu rüsvayçılığa ictimai məzmun verdi, rəsmi rəng qatdı”. 

Ermənistanın paytaxtı İrəvanda ağır atletika üzrə Avropa Çempiona­tının açılış mərasimində Azərbaycan Bayrağının yandırılmasına münasi­bət bildirən ehtiyatda olan türk ge­neralı Yücel Karauz “Xalq qəzeti”nə bu açıqlamasının davamında söylə­di: 

– Bundan tamamilə fərqli olaraq, bir neçə il öncə Prezidenti İlham Əliyev Bakıda keçirilən Avropa Oyunları za­manı, özü də Azərbaycan torpaqlarının hələ də işğal altında olduğu, BMT qət­namələrinə məhəl qoyulmadan ölkə­nizə qarşı təcavüzkar siyasətin davam etdiyi bir vaxtda erməni əsilli idman­çının əlini sıxıb onu mükafatlanırdı. O zaman nəhəng salon Azərbaycan Pre­zidentinin yüksək alicənablığını alqış­lamaqla xalqınızın da bəşəri dəyərlərə sadiqliyini nümayiş etdirdi.

General, eyni zamanda, Ermənis­tanda əsir götürülən Azərbaycan əs­gəri Hüseyn Axundova qarşı ermə­nilərin tətbiq etdiyi ağır işgəncələrə də toxundu: 

– Azərbaycanla Ermənistan arasın­da atəşkəs müqaviləsi olsa da, sülh əldə olunmayıb. Azərbaycanla sər­hədlərdə savaş vəziyyəti var. Bir ordu mənsubunun, yaxud sadə vətəndaşın belə durumda müxtəlif səbəblərlə ələ keçirilməsi onu hərbi əsir vəziyyətinə gətirir. Beynəlxalq hüquqa görə, hərbi əsirə işgəncə, pis rəftar, psixoloji təz­yiq göstərilə bilməz. Bu qayda 1907-ci il Lahey və 1949-cu il Cenevrə sazişlə­rində öz əksini tapıb. 

Ermənistanın etdiyi bu vəhşilik if­rat millətçiliyə yoluxmuş bir toplumun dünyaya baxışlarının nümayişidir. 44 günlük savaş zamanı Azərbaycan er­məni əsirlərinə humanist davrandığı halda, Ermənistanın sərgilədiyi vandal münasibət göz önündədir. Son günlər baş vermiş hər iki hadisə Ermənistanın bəşəri dəyərlərə və beynəlxalq hüquqa dövlət səviyyəsində göstərdiyi hörmət­sizliyi bir daha təsdiqlədi. 

Yücel Karauz bu günə qədər Qərb dövlətlərinin bu məsələyə heç bir reaksiya göstərmədiklərinə də diqqət çəkdi: 

– İstər Azərbaycan vətəndaşına qarşı bu vəhşi davranış, istərsə də Azərbaycan dövlətinin rəmzi atributu­nun yandırılması kimi qeyri-insani və hüquqdan kənar hərəkətlərə Qərbin səssiz qalması daha bir ikiüzlülük nü­mayişidir. Bu üzdəniraq, beynəlxalq hüquqa zidd olan hərəkətlər Azərbay­can tərəfindən törədilmiş olsaydı (tə­bii ki, bu gözlənilən bir hal deyil), Qərb dövlətləri “insan haqları pozuldu” – de­yib qalmaqal qoparardılar.

Həmsöhbətim fikirlərini belə bitirdi: “Ermənistanda törədilən vəhşilik milli natamamlıq göstəricisidir. Bu toplu­mun çoxsaylı vandallıq aksiyaları kimi, son iki vəhşiliyini də unutmaq olmaz. 

Mehparə SULTANOVA

Ankara