İyulun 25-də xarici işlər naziri Ceyhun Bayramov ölkəmizdəki diplomatik fəaliyyətinin başa çatması münasibətilə Polşanın Azərbaycandakı səfiri Rafal Poborski ilə görüşüb. 

Tərəflər ölkələrimiz arasında mövcud əməkdaşlıq münasibətlərindən danışa­raq bu xüsusda ali səviyyədə həyata ke­çirilən təmasların və görüşlərin dostluq, hörmət və strateji tərəfdaşlığa əsaslanan əməkdaşlığın inkişafına təkan verdiyini qeyd ediblər.

Azərbaycanla Polşa arasında siya­si, iqtisadi, energetika, alternativ enerji, humanitar, təhsil və digər sahələr üzrə ikitərəfli münasibətlərin geniş perspek­tivə malik olduğu, əlaqələrin inkişafında siyasi məsləhətləşmələr mexanizminin, habelə parlament diplomatiyasının əhə­miyyəti qeyd edilib. 

Nazir Polşa səfirinin ikitərəfli münasi­bətlərin inkişafı istiqamətindəki səylərini yüksək qiymətləndirib və səfirə gələcək diplomatik fəaliyyətində uğurlar arzula­yıb. 

***

Həmin gün xarici işlər naziri Ceyhun Bayramov diplomatik xidmətə qəbul ilə bağlı keçirilmiş sayca ikinci müsabiqə prosesi nəticəsində Xarici İşlər Nazirli­yində əmək fəaliyyətinə başlamış gənc diplomatlarla görüşüb.

Nazir Ceyhun Bayramov çoxmər­hələli müsabiqə prosesini uğurla tamam­layaraq diplomatik xidmət orqanlarında işə başlayan gənc diplomatları ürəkdən təbrik edib, onlara gələcək fəaliyyətlərin­də uğurlar arzulayıb.

Diplomatik fəaliyyətlərinə dövlətimi­zin başçısı tərəfindən müəyyən olunan xarici siyasətin icrasına məsul olan Xarici İşlər Nazirliyində başlayacaq gənclərə bu məsuliyyətli fəaliyyətdə malik olduqla­rı akademik, praktiki bilik və bacarıqları tətbiq etmək istiqamətində müvafiq töv­siyələr verilib. 

Ölkəmiz tərəfindən aparılan fəal xa­rici siyasət kursunun uğurlu icrası is­tiqamətində diplomatlarımızın daim öz bi­lik və bacarıqlarının artırılması üzərində çalışmalı olduqları bildirilib, bu istiqamət­də Xarici İşlər Nazirliyi tərəfindən həyata keçiriləcək bir sıra proqramlar vasitəsilə prosesin dəstəklənəcəyi qeyd olunub.

***

Dünən Daşkənddə Azərbaycan Res­publikasının və Özbəkistan Respublika­sının Xarici İşlər nazirlikləri arasında si­yasi məsləhətləşmələrin növbəti raundu keçirilib.

Məsləhətləşmələr zamanı Azərbay­can nümayəndə heyətinə xarici işlər na­zirinin müavini Samir Şərifov, Özbəkistan nümayəndə heyətinə isə xarici işlər na­zirinin müavini Bobur Usmanov rəhbərlik ediblər.

Siyasi məsləhətləşmələr zamanı ölkələr arasında siyasi, iqtisadi, nəqliyyat, mədəniyyət, humanitar və digər qarşılıqlı maraq kəsb edən sahələr üzrə məsələlər müzakirə olunub, eləcə də beynəlxalq və regional təşkilatlar çərçivəsində əmək­daşlıqla bağlı fikir mübadiləsi aparılıb.

BMT-nin İqlim Dəyişmələri üzrə Çərçivə Konvensiyasının Tərəflər Kon­fransının 29-cu sessiyasının (COP29) Azərbaycanda keçirilməsinin ölkənin beynəlxalq aləmdə artan nüfuzunun göstəricisi olduğu diqqətə çatdırılıb. 

Siyasi məsləhətləşmələr çərçivəsin­də Azərbaycan ilə Özbəkistan arasında müqavilə-hüquq bazası və baxılmaqda olan layihələr ətrafında fikir mübadiləsi aparılıb, eləcə də iki ölkə arasında imza­lanmış sənədlərin inventarizasiyası hə­yata keçirilib.

XQ